Klokka er snart 13.00. Ute er det nydelig, lettskya ver med sol i fjella; ho nærmar seg litt for kvar dag, den 18.jan. skal ho skine inn i stova vår. Men det kjem no litt an på veret. Temperaturen er mellom 1-2 minus. Men bilen som stod ute, var heilt nedefrosen. Vi kan trygt seie at vi har skiftande ver her.
Eg har brukt føremiddagen til å ta "fredagsvasken"- så er det gjort til helga.
Nils har drive på ute i garasjen og reparert slipemaskina, og så held han på og tinar opp bilen.
Her har kome litt snø på vegen, som har frose til, men sparkføre veit eg ikkje om det er. Skulle hatt lyst ein tur opp i skogsvegane og sett på alle trea som har falle ned, der ser visst fælt ut, men eg veit ikkje om eg har heilt godt av å gå så langt.
Eg har ikkje rydda ut jula, men ser ikkje bort frå at det kan skje noko i løpet av helga. Når det blir så lyst ute, er ikkje julepynten så sjarmerande.
Bildet er teke klokka 12.15.
Ingen kommentarer:
Legg inn en kommentar