Klokka er snart halv åtte. Temperaturen er + 20 grader og det har vore fint, lettskya ver i heile dag. Ikkje den heilt klåre sola eller den store varmen, men mykje betre enn veret vi har hatt før i veka.Eg valde å halde meg heime i dag, hadde tenkt å få gjort mykje både ute og inne, men det var eit eller anna som ikkje funka.Har hausta all rabarbraen, rensa og frose , og koka rabarbradessert. Så har det vore klesvask og middag, soling med lydbok og strikking. Strikkinga er eit hasteprosjekt som skulle vere ferdig i løpet av dagen/ kvelden, og no er eg i mål. Nils finn stadig fotballkampar på TV, så eg slepp å sjå fyrstebryllaup. Kunne sett det på data viss eg absolutt ville. Det er no ikkje for seint heller. Har kome litt bort frå alt det "kongelige" etter at eg slutta å kjøpe ukeblad. No er eg sjeldan på venterom også, før fekk eg med meg litt der. Skal ta med ein liten razzia og rydde opp i huset, så får ugraset heller få fred eit par dagar til.
Rasmus har flytta på seg nede i Danmark, dei er no i Ebeltoft, eg meiner det er Molbo-byen?
Ingen kommentarer:
Legg inn en kommentar