No er klokka akkurat 16.00. Temperaturen ute er + 18 grader og det har vore strålande ver i heile dag.Nils var ute og gikk i tog i dag tidlig, men slikt er ikkje noko for meg; då tenkjer eg på gåinga, ikkje den symbolske handlinga.No er han på folkefest på Kulturhuset, der kunne eg ha tenkt meg å vore med, men bestemte meg for altanen sidan eg har vore så mykje inne dei andre solskinnsdagane. Det er ikkje særlig sol og varme på altanen før etter klokka 12-13, dermed får ein gjort litt inne før ein går ut. I dag blei det ikkje skikkelig middag; vi åt krabbane som Nils fiska i går, og dei var det sant å seie ikkje mykje i. Vi tek det vel att på kveldsmaten, og i morgon kjem Margrete og ungane, så då skal vi ha "søndagsmiddag".
Der kom Nils att frå "festen"-han hadde tatt feil av tidspunktet, det begynte klokka 15-ikkje klokka 16.Jammen glad eg ikkje shina meg opp og gikk! Han fekk no helse på Lysbakken, så heilt bomtur var det ikkje.
I dag vil eg gratulere søskenbarnet mitt i Stryn som fyller 69 år dennne vakre vårdagen. Synest ikkje det er lenge sidan vi var i 60-årsdag, åra går berre fortare og fortare. Gratulerer med dagen, Kjell !
Ingen kommentarer:
Legg inn en kommentar