Fikk nesten sjokk då eg såg ut i dag tidleg og registrerte nysnø på markene. PC-en kunne melde om kolonnekøyring på Hemsedalsfjellet. Kva gjer ein når bil og hengar står ferdigpakka på tunet?
Nils skifta til vinterdekk på bilen og vi fann ut at vi fekk prøve kor langt vi kom oss. Eg såg føre meg dramatiske scener på isdekka veg og ein tilhengar som slingra frå eine sida av vegen til den andre.
Det var rett nok litt slaps på Stigedalen, men resten av turen gikk som ein daum. Sola varma gjennom bilvinduet, og asfalten var tørr.I Lærdal heldt dei på å sette poteter i vårsola, og då vi kom til Nesbyen sat vi ute og åt nista vår. Rett skal vere rett, det var litt snø på vegen over fjellet og litt snø som fauk rundt- men det var også alt. Vi hadde ein kjempefin tur, sjølv om eg må innrømme at dei siste kilometerane vart litt lange.
Kjekt å kome fram og helse på den nye guten og resten av familien. God mat fekk vi også.
God helg til alle.
Abonner på:
Legg inn kommentarer (Atom)
Dagbok 2026:14, september
Klokka er no17.40, Ute er det litt regn og +13 graderC- så eg held meg inne. Eg har ein liten arbeidsplass her på kjøkkenbordet. Og her har ...
-
Far i huset ønsker seg eit par skikkelige tova fiskarvottar som kan halde hendene varme i all slags ver. Eg har søkt på nettet etter oppskr... -
Det er ikkje til å tru, men vi har strålande ver i dag også. Sola skin,det er berre lette skyer på himmelen og temperaturen er minus 3 grade... -
Klokka er no snart 18.00, temperaturen 10-11 grader C, og det er framleis sol sjølv om det blir meir skyer etter kvart.Sidan eg har tatt b...
3 kommentarer:
No ventar vi på bilde av besteforeldra og gutane, jfr bildet på bloggen min for 134 år sidan!
Litt overdrive det då!
Tenkte på dykk i går, kjekt de hadde ein fin tur. Eg kjenner meg sjølv igjen når det gjeld å engste seg på førehand, men det vil helst gå bra.
Hels alle ei god helg!
Eidabesta
Legg inn en kommentar