I dag starta vi dagen med trening frå 10-11, det var litt kjekt å komme i gang igjen, Og vi er ein gjeng som har gått der i lag lenge. Det skal ikkje vere trening torsdag, så vi har enno litt fri.
Marit og eg køyrde ikkje i lag i dag, for Marit "skulle på noko" før ho kunne fare heim.Då eg kom heim kom ho ned til meg fordi vi hadde noko å diskutere.
Eg tok meg ei kvilestund og litt mat før eg gjekk ut og jobba i hagen. Eg plukka plommer, og i dag var plommene mykje finare fordi dei ikkje hadde lagt så lenge på pakken. Og så ser eg alltid noko som eg må gjere, i dag tok eg vekk ugras og gras som var der det ikkje skulle vere , under altanen. Så måtte eg rydde opp under plommetreet, og då tok eg fram grasklipparen. Eg ser så mykje eg har lyst å gjere og eg har energi nok-men eg har også ein rygg, så eg må ha ein stol i nærleiken heile tida, så eg kan sette meg ned og kvile ryggen min.
Eg åt brødmat til lunsj i dag og tenkte å ha middag i lkveld, men no veit eg ikkje om eg har lyst på noko middagsmat. Eg kan no tenkje på det ei stund og sjå kva det blir til.
Ingen kommentarer:
Legg inn en kommentar