Klokka er no 20.05, temperaturen ute er +13 grader C, og eg trur det har vore opplett i heile dag, Sikker er eg ikkje for det har vore så mykje styr i dag.
Eg hadde bestemt meg for å fare til Volda tidleg på føremiddagen og kjøpe garn, før det vart altfor mykje trafikk. Eg kom meg av garde, men trafikk var der-rikeleg av..
Eg fekk kjøpt lestegarn og ein ny pakke med bambus-pinnar -kan vere greit å ha dobbelt opp.
Eg bala for å få sjå bryllaupet i Geiranger på TV-en, så det vart til at eg såg på PC-en i staden, mens eg strikka og strikka. Eg har vore utan garn eit par dagar, så det var godt å få strikke igjen.
Elles har eg gjort ingen ting, eg gjekk ein tur på Vernet i dag også mens eg venta på Solveig som ville komme ein tur i dag.
Ho kom som planlagt og vi åt is og drakk kaffi etter hennar ønske. Godt å få prate litt om ditt og datt. No kjenner eg at eg er litt svolten, men det er eg no nesten støtt. Det blir vel meir å få når det lid på.
Eg kan fortelje at Einar, barnebarnet mitt, snakka med brud og brudgom m.fl. i går, som utsending frå avisa. Det blir vel å lese om det i Sunnmørsposten. Eg håper eg får sjå meir frå bryllaupet på TV no i kveld.
Og i morgon begynner vi på første haustmånaden.
Ingen kommentarer:
Legg inn en kommentar