Klokka er 20.00, temperaturen er + 16 grader C, det er lettskya og litt sol.
Typisk at vêret kjem seg ut på dagen og er finast om kvelden.
I dag tok vi det litt med ro før middag, Nils hadde sove godt om natta og var i bra form. Det er det viktigaste. Elles visste vi at Ingeborg skulle komme med flyet frå Oslo i 16-tida. Ho og Margrete ville komme hit og helse på oss før dei reiste over fjorden. Så bestemte Amanda og Erlend seg for å vere med også. Eg laga ei stor prinsessekake, fordi eg veit at Ingeborg er glad i det. Elles tek vi alt så enkelt som mulig. Eg rekk ikkje over alt som eg gjerne vil gjere.
Flyet var litt forseinka så klokka var bortimot 17 då dei kom. Etter arbeidstid kom Eirik også, og Margrete tok bilde av morfaren og barnebarna med den nye mobilen sin. Eg har vore sigande trøtt desse siste dagane og i dag sovna eg minst ein gong etter at vi hadde ete middag. Eg trur eg må skulde på vêret- eller kanskje eg er begynt å bli gammal og sliten? No har den siste HBO-en vore her, Nils har funne seg ein fotballkamp og eg kan finne fram strikketøyet mitt. Det har vore ein god dag.
Roser frå Ingeborg
Ingen kommentarer:
Legg inn en kommentar