Perlebusk.
Klokka er 18.45, og temperaturen ute ca + 17 grader. Det har stort sett vore ein fin dag, men med voldsomme regnbyger innimellom. Akkurat no er det fint ute.
Før middag var vi ein tur til Vik, vi handla på Amfi og så for vi heim att. Nils har klipt plen i dag også, og eg prøvde meg på litt ugras, med det resultat at hofta streikar. Slik er det berre. Det er så mykje eg har lyst å gjere og som trengst å bli gjort, men så går det gale.
Til "middag" i dag åt vi speilegg, spekemat etc. -i morgon skal vi ha steikt lysing (kolkjeft), trur eg.
I dag fyller Olaug på Hareid 18 år, så no er også ho myndig. Det er så mange fødselsdagar i juni/juli at vi samlar opp til ei fellesfeiring. Og så er det ingen bursdagar før i oktober/november -her i familien.
Nils styrer på eitkvart ute, eg har rydda litt på kjøkkenet. Tek ikkje sjansen på meir hagearbeid i dag.
Det er deilig vêr, men vi har enno ikkje tatt ut hagemøblane-sein sommar i år.
Gratulerer med dagen Olaug !
1 kommentar:
Gratulerer med barnebarnet! Utruleg, tenk at "den minste" til Solveig er vaksa jente! Blir vel snart sertifikat der også.
Legg inn en kommentar