2.februar 2010
Klokka er 17.00, temperaturen ute er + 8 grader , det er heilt bert, med litt regn av og til, og slett ikkje slik som på det 4 år gamle bildet over her. Februar plar vere snømånaden her, men det ser heller mørkt ut i år, bokstavlig talt. Ja, det er godt for alle som slepp å mòke snø, og lettvint, men i seinare år har eg blitt glad i den KVITE vinteren.Og glad i å fare på spark.
Vi var ute og gjekk ein tur før middag, og eg var med inn i skogen der Nils har helde på og veda, for dei som har slikt arbeid på gang er det ein fordel med berr og frosen mark. Eg har laga mat i dag, middag til i dag, og delvis til i morgon. Elles har eg lese ut boka som eg har skrive om rett under dette innlegget. Har lese seks bøker hittil i år, ingen av dei har vore over middels gode, etter min smak.
Elles har eg ikkje gjort så mykje, men det var heller ikkje meininga.Vi hadde fisk til middag i dag, sidan vi skal ha kjøtmat i morgon.Då kjem Margrete til middag. Det er slutt på at heile familien er samla annankvar mandag.
Ingen kommentarer:
Legg inn en kommentar