Klokka har passert 18.30 og det er mørkt ute. Temperaturen er minus 8 grader C og vi har hatt flott vêr i dag også. Når kulden har vart nokre dagar blir han mindre RÅ og ein frys kanskje ikkje så mykje.
No må ingen tru at eg har vore ute og gått i dag, for det har eg ikkje. Vi har vore og handla, ikkje "shoppa", men kjøpt mat. Vi har blant anna vore til Jacobsen i Volda og kjøpt kjøtt og pølser og på Coop og kjøpt alt eg treng for å kunne bake. Med to unntak, usalta meierismør og korintar. Korintar var dei utselde for, smør fann eg ikkje. No har eg nesten ingen unnskyldningar for ikkje å bake-dessverre. Veit ikkje korfor eg føler at eg MÅ, det er ingen som pressar meg til det.
Vi var også innom Felleskjøpet og kjøpte diverse vaskemiddel m.a. i stort.
Då vi kom heim frå handlerunden, steikte eg sei til middag, og etter ei lita stund på sofaen og ein kaffikopp, skreiv eg eit lite avisinnlegg-og slik går denne dagen også snart over i historia.
No lurer eg berre på kva eg kan gjere - på samme tid som eg høyrer lydbok. Eg må no gjere noko anna enn å strikke.
Abonner på:
Legg inn kommentarer (Atom)
Dagbok 2024: 22.november
Klokka er no 16.18 og bildet over er tatt for eit par minutt sidan. No sit eg her inne i huset mitt og er så å seie innesnødd. Ser de godt e...
-
No har vi rikelig makrell til oss sjølve, enda om diverse naboar har fått sitt. Makrellen kan vi steike, men best likar vi den kald, kokt me...
-
Klokka er no16.42, temperaturen ute er +24 grader, Det har vore ein fin dag, og den vart finare etter kvart. Bildet over tok eg på føremidda... -
Klokka er no17.14, temperaturen ute er + 16 grader,det er mest overskya men opplett og fint ver å gå tur i. Eg kom nettopp att frå ein tur p...
2 kommentarer:
Bake?
Eg smelte i hop ei brasiliansk om eg kan kalle det å bake. Har kaker i frysaren etter i fjor jul.
Legg inn en kommentar