Klokka er 16.45. Temperaturen ute er +15-16 grader, det er opphaldsver og vind.Så det blir ikkje draging av teiner i dag.
Vi hadde tidlig middag i dag, så gutane hadde behov for eit lite mellommåltid med kneippbrød og Nugatti Air.
Til middag i dag, skulle eg lage ekstra gode fiskekaker, spedd med egg og fløte. Det er oppskrifta til Wenche i Frokost-TV. Og som det så ofte hender når ein gjer seg ekstra flid, var det noko som skar seg, bokstavlig talt. Røra vart ikkje "seig" slik den skal vere. Men fiskekakene gikk ned på høgkant hos alle vaksne. Til dessert hadde vi riskrem-sidan eg hadde kokt graut i går.
Dei fleste i familien er meir og mindre forkjøla, særlig minstemann, så han er ikkje heilt i strøk. Elles har vi det bra.
Vi har vore utan Internett i heile dag, noko som ingen er særlig begeistra for. Då eg endelig fikk Rasmus til å sjekke, var det ein ledning som var løsna. No er alt i orden igjen.
Ingen kommentarer:
Legg inn en kommentar