Klokka er 14.15 og vi skal til å ete middag. I dag blir det restar etter i går på oss to. Ute er det overskya, litt regn ,skodde og grått. Men jammen held sola på å kjempe seg gjennom skylaget. Temperaturen er + 3 grader.Legg merke til det brune lauvet på plommetrea, det har enno ikkje falle av.
Vi kan vere glade vi feira fødselsdagen til Nils i går, for han er ikkje så bra i dag. Ei skikkelig ekkel forkjøling. Eg er også forkjøla, men er på veg til å bli frisk att. Eg blir aldri så elendig som han. Bank i bordet.Elles så har eg baka brød i dag, vi var nemlig lens, og strikka litt mens eg såg Anna Karenina på data- må vere klar til 3.episode i kveld. Skulle egentlig ha vore på kino i kveld og sett Cornelis, men det er ikkje å tenkje på.
Her i huset er det både fødselsdag og farsdag, det er slikt som skjer relativt ofte. Men eg vil nytte høvet å gratulere alle fedrar med farsdagen!
2 kommentarer:
Trasig at de er forkjøla, men når ein først har fått sykja, må ein berre prøve å gjere det beste ut av det. Viktig med kvile/nok søvn.
Her har vi feira farsdag i dag med hjortegryte for Stein m/fam. S+M skulle på Vamp i operaen etter på. Seinare kom jentene A+H m/fl. etter at Hans og Kristoffer var reist kvar til sitt. Eplekake og is. Ole jobbar på Ungdomsskulen tidleg i veka. Vanskeleg å samle ALLE etter kvart som dei blir vaksne.
God betring!
Nei, å samle alle er vanskelig no. Men vi var 11 til bords i går, og det er no bra.Nils er skikkelig elendig i dag, men har ikkje feber. Han er sår for brystet. Eg er berre tett i nasen og hostar litt.
Legg inn en kommentar