Klokka er no 18.20, temperaturen ute er + 20 graderC,og sola skin, berre små skoddedottar ligg att i fjella. I dag før middag regna det.
Eg har vore litt ute av dato i dag, trudde heile tida at det var søndag og visste ikkje heilt kva eg skulle ta meg til. Eg hadde tenkt å jobbe ute i hagen, men det var ikkje råd. Derfor tok eg like gjerne og gjekk runden min på Vernet først best. Etter lunsjvar det litt lettare ver ute og eg bestemte meg for på å gjere ein innsats. Tok på meg regnjakke for sikkerheits skuld. Planen var klar, eg skulle plukke opp nedfalls-eple og rydde rundt epletreet. Og det vart gjort. 10 grøne posar med "matavfall" vart det i bossdunken, og så klipte eg ein god del greiner av epletreet,og hadde i sekk til VØR.
Eg skal ikkje gå meir i detalj, men eg jobba godt i fleire timar.(tok ikkje tida). Det som gjer at eg kan få gjort litt, er at eg har ein stol som eg har med meg og sit i når eg kan. Det feiler meg ikkje noko anna enn at eg er låk i ryggen. Det er noko som høyrer alderen til.
Eg leska meg litt på Victoriaplommer då eg var ferdig med jobben. Eg har elles vore ein del på nettet i dag og lese meir om bryllaupet, eg er litt sjokka over Märtha og alt ho styrer med. Eg trur at dei i andre land som ser og høyrer om det norske kongehuset, må få eit underleg syn på det som skjer.
I morgon er det trening igjen og no føler Marit seg så bra at ho kan vere med , det er no kjekt for meg også at ho er betre, så slepp eg å fare åleine.
No kom eg på at eg ikkje har laga middag enno, men det går bra.
Slik har vi det no
Ingen kommentarer:
Legg inn en kommentar