Klokka er 19.50, temperaturen er 0 grader og det har kome ein god del snø. Heldigvis trur eg den kjem til å smelte etter kvart, sidan det er meldt mildare vêr.
Dagen i dag har gått veldig fort, enda fortare enn vanleg, synest eg. Får liksom ikkje gjort noko særleg før kvelden kjem, men i dag var det i alle fall lyst ei stund.
Kva har eg gjort i dag? Jau, eg har lese ferdig boka mi, fått strikketøyet opp og stå igjen, dvs. no kan eg begynne på mønsteret , men det vil eg gjere i dagslys, så det ikkje skjer seg ein gong til.
Så fekk eg besøk av ei venninne såpass eg fekk drikke kaffi i dag også.
Eg av-isa øvste skuffa i kjøleskap-frysedelen. Det er så irriterande at der alltid blir så mykje is. Der fann eg ein gryterett-rest som blei middag i dag, eg gjorde meg såpass umak at eg kokte poteter til.
Silje har moka tunet og bilen sin. Eg var ute og snakka med henne om boss-sortering etc. Eg kjenner på kneet mitt at eg ikkje har sete nok i ro i dag, men det får så vere. Kan ikkje visne heilt vekk heller.
I kveld har eg ikkje noko "spøt" å henge fingrane borti, til tross for diverse påbegynte prosjekt -eg manglar garn. Men eg har ein lest med eit stort hol i som eg kan bøte. Det var fint ei stund i dag-godt å sjå lyset komme tilbake.
Ingen kommentarer:
Legg inn en kommentar