Denne boka har eg lese på papir, på samme tid som eg har lese andre bøker "på øyret". Boka er utrulig godt skriven om eit vanskelig tema. Forfattaren skildrar korleis det er å ha eit barn med autisme, eit barn han aldri når inn til. Han vil skrive om dette barnet, som no er ei vaksen kvinne på 34 år, men det er vanskelig. Boka handlar mykje om kor vanskelig det er å finne orda når han skal fortelle om barnet og kjenslene sine for henne.
Boka er svært "litterært" skriven, eg finn heller ikkje rette ordet.Språket er flott, nynorsk sjølvsagt. Men for meg blir det noko kunstig over det. Eg trur eg hadde likt fortellinga betre i ei anna språkdrakt, meir direkte eller kva eg skal seie.
Eg er ei utolmodig sjel, og tykte boka vart litt langdryg.Kanskje kjem det av at eg er vant til å gjere andre ting mens eg les, ikkje berre sitte pal.Boka er på ca 230 sider, så den er ingen murstein.For dei som vil vite meir om boka er det mykje å finne på nettet.
Ingen kommentarer:
Legg inn en kommentar