Klokka er 19.15. Det har vore ein nydelig dag med sol og blå himmel i dag også. No er temperaturen minus 8 grader ute, men inne er det varmt og godt. Sola varmar opp huset, så vi treng ikkje å fyre før det lid på kveld.
I dag var vi først ein liten tur nedover på biblioteket og Amfi. Ikkje så veldig lenge etter at vi var komne heim att, kom Solveig, Olaug og Håkon. Håkon og Nils fekk seg litt mat og så drog dei på fisketur. Då Margrete og ungane kom, åt vi andre. Menyen i dag var rømmegraut og litt spekemat. Om eg skal seie det sjølv så smakte det godt. Begge jentene hadde med fine blomster og presangar som eg kan glede meg over.
Elles så sat no vi kjerringane og prata om laust og fast, mens "ungane", som ikkje er så små lenger, styrte seg sjølve.
I dag feira vi liksom både morsdag og Feitetysdag. Eg har sjekka kalenderen og funne ut at Feitetysdag er sånn ca 8. mars, så vi var litt tidlig ute. Ja,ja, når ein først har fått idéen er det ikkje lett å snu.
No har eg rydda opp etter selskapet, fått på oppvaskmaskina og vaska opp det som eg ikkje fekk plass til.
No er eg veldig klar for MGP. Haba! Haba!
3 kommentarer:
No sit Øystein og kosar seg med graut. Eg trur ingen legg inn protest mot fleire feiringar med rømmegraut.
Kvinnedagen må òg feirast i år, trur eg...
Eg veit eg bør vere to stader den dagen ...
Legg inn en kommentar