Klokka er no 12.15. Temperaturen er + 2 grader og det silregnar. Og i dette ufyselige veret for Nils ut i gryotta for å fiske, mens eg sov vidare.Han fekk bra fangst, mest sei trur eg, og sløgde fisken før han kom heim. No ser eg på bildet og gler meg til å koke fersk småsei/ pale og lever til middag. Det er ein av livrettane mine.
Eg har brukt føremiddagen til vasking og rydding, som vanlig. Har mykje anna som også skulle ha vore gjort, men ventar på lysare og lettare dagar.
Hua som fiskaren har på seg har eg strikka i Finullgarn og tova. Det er yndlingsfiskehua hans.Og dei grøne tovavottane i Vamsegarn har han snart slite ut, dessutan er dei blitt mindre og mindre- og luktar strerkt av fisk! Har no strikka han eit par til då.
Ønsker alle ei god helg.På denne tida i fjor var det fine skihelgar for dei som likar det. Vi får håpe på klårver og sol framover.
2 kommentarer:
Vi hadde sei i løk- og paprikasaus i forgårs.
Det ser godt ut med fersk sei!
Vi et og et på den frå i fjor .....
Legg inn en kommentar