BESTA

Vermelding 15.februar - 2012

2012-02-15T12:43:00.001+01:00

Klokka er 12.30. Temperaturen er+ 2 grader C og det snør ute. Våt og klbbete snø. Nils moka litt på føremiddagen, men brukte gamlemetoden, som de ser. Mi von er at det no skal komme passelig mykje snø, og så bli kaldare og klårt. Då får vi sparkføre -og sol heile dagen. Men uansett er dagane lengre og lysare.

I dag har eg drive og vaska og rydda dei romma vi sjeldan brukar, så er det gjort. Middag har vi også på gang; i dag blir det fiskekaker som eg laga førre veka. Lettvint i dag altså.

Hadde litt kontorarbeid i går kveld, og meir blir det i kveld. Litt ekstra arbeid i samband med årsmøtet i pensjonistlaget neste veke.Dagane går som ein røyk anten ein gjer noko fornuftig eller ikkje. Vi kjem liksom aldri heilt i mål, og godt er det.

Så vidt eg veit er det ingen merkedag i dag, men søndag er det fastelavn, og tysdagen er det feitetysdag, eller grautatysdag som dei seier her i Ørsta. Så det blir gode unnskyldningar for å ete god mat nokre dagar framover; eg trur ikkje fasta slår like godt an.

2012-02-14T15:19:00.000+01:00

Klokka har passert 15.00, temperaturen er+ 3 grader og det er eit skikkelig grisever ute. Det regnar, blæs og haglar såpass at det ikkje er noko kjekt å vere ute.Sjeldan det er så mykje vind her oppi bakkane hos oss.

I dag brukte vi litt av føremiddagen til å rydde og omplassere diverse ting, men sidan eg skulle på møte klokka 13.00 fekk vi ikkje halde på så lenge. Eg har altså vore på styremøte i pensjonistklaget. Vi held til på Bakk-Ola som er eit bufellesskap for eldre og uføre, der det også er kafé og møterom. Det er mange aktivitetar på huset, mellom anna held Seniordans-gruppa til der.

Tenkte eg skulle få tatt nokre bildet av huset, eller rettare husa, men det er uråd å få heile inn på eitt bilde, og det var ikkje rette veret til å gå på fotosafari heller, så det blir berre ein liten del av komplekset eg fekk med.

No har vi ein kjøpepizza i omnen som vi skal ete om ei lita stund, og så er denne degen også snart over i historia.

At det er Valentindagen bryr vi oss lite og ingen ting om her i huset. Vi prøver heller å sette litt pris på kvarandre kvar dag. No blæs det opp til jule-og nyttårsstorm ute ser det ut til. Ha ein fin dag, med eller utan Valentin!

Vermelding 13.februar - 2012

2012-02-13T19:44:00.002+01:00

Klokka er vel halv åtte. I dag har det snøa og slapsa nesten heile dagen. Temperaturen ligg no på ca 3 grader C.
I dag var vi ein tur på butikken, og etterpå laga eg glasur til kakene eg bakte i går.
Vi fikk melding om at Bodil og Svein ville ta seg ein tur opp til oss i dag, sidan dei skulle hente folk på flyplassen her.
Før dei kom åt vi middagsrestar frå i går, og så blei det "nonsmat" då gjestane kom. Det er ikkje sikkert alle veit kva nons eller non er? Før i tida åt dei fleste folk på landsbygda middag klokka 12.00. Då var det vanlig med eit brødmåltid med kaffi til rett etter arbeidstid. No går det vel mest i lunsj eller formiddagsmat midt på dagen, og middag i 16-17 tida?
Som pensjonistar gjer vi akkurat som vi vil med måltida.
Det var i alle fall veldig hyggelig med besøk, og vi hadde som vanlig tusen ting å snakke om.
I morgon er det styremøte i pensjonistlaget. Og Nils skal på gruppemøte i SV om kvelden.

Vermelding 12.februar - 2012

2012-02-12T12:37:00.000+01:00

Klokka er 12.30. Ute er det skya og grått. Tidlegare i dag var det snøslaps-byger, og det dryp litt enno; temperaturen er + 3 grader C. Eg skulle gjerne ha hatt litt fint vinterver før våren kjem.

I dag hadde eg bestemt meg for å lage to gulrotkaker til fryselageret mitt, og eg hadde sørga for å ha alle ingredirnsar i hus. Trudde eg. Då eg skulle begynne på kake nr.to oppdaga eg at eg ikkje hadde nok olje, men ein snill nabo kunne hjelpe meg over oljekrisa. No har eg to kaker som er ferdig steikte, men utan glasur; plar fryse dei før eg har på glasuren, då er det mykje enklare. Å bake ei eller to gulrotkaker går for samme sølet, treng ikkje ein gong vaske bakebollen i mellomtida.

No skal eg snart steike sei til middag, det blir vel retten "søndagssei" i dag.

Som de ser av bildet er det "morsdag" i dag. Forstår ikkje at folk gidd å sjå all den sporten som er på TV, men det er fullt lovlig for den som vil.

For øvrig meiner eg at morsdag stiller i same katagori som andre amerikanske merkedagar. No skal vi visst til å feire Valentinsdag også. Berre forretningstriks alt i hop. Likevel vil eg gratulere alle mødrer i bloggverda med dagen! Kjekt å ha eit påskudd for å kose seg litt ekstra.

Vermelding 11.februar 2012

2012-02-11T14:50:00.000+01:00

Klokka er snart 15.00. Ute er det grått, skodde i fjella og nedbør. Somme tider regn og sommer tider sludd eller hagl. Temperaturen er + 3-4grader C. Det er på ein måte godt med milde vintrar, men eg ville heller hatt snø, kulde og sol heile dagen. Ikkje minst for at dette veret gjer at eg verker både her og der, etter at eg har vore bra veldig lenge.
Nils måtte eit lite ærend til Vik, men eg ville vere heime. Har stroke litt klede, baka brød og koka risgraut til middag, og tida fyk av garde. No skal eg snart lese siste resten av boka mi, og så skal eg skrive litt om den.
Nils skal på ei lita SV-samling klokka 18, så eg skal kose meg heime åleine nokre timar.(Utan TV, kanskje).Elles har vi ikkje så mykje planar for helga, men blir det fint ver i morgon, skal vi prøve å komme oss ut litt.

Bok nr.5 - 2012: Min kamp 6

2012-02-11T14:36:00.002+01:00

Bildet av omslaget er dårlig og diffust, men det var slik det såg ut i virkligheita.

Eg har ikkje googla denne boka, og kjem neppe til å gjere det, for då kan eg få øydelagt den opplevinga som eg hadde då eg las den. De andre kan sjølvsagt gjere som de vil, for det eg skiv er inga bokmelding, berre mi subjektive oppleving av tekstane.

Trur dette er den lengste boka eg nokon gong har lese. 86 spor -kvart på over 30 min.-det blir ei god stund med Knausgård på øyret. Men til alle dei er har lese dei fem første bøkene: Les denne også ! Å kutte ut siste boka vil vere å samanlikne med å gå før ein får sjå slutten av filmen.

Denne boka er både lik og ulik dei andre bøkene han har skrive om livet sitt, og den er minst like gripande som dei andre. Dessutan gir den svar på ein del spørsmål som ein kan ha stilt seg undervegs.

Det som er ulikt dei andre bøkene er at han legg inn tekstar, essey etc., som har med heilt andre ting å gjere. Her er eit langt kapittel om NAMN, kva det namnet betyr for eit menneske. Her er ein grundig analyse av eit dikt, ein Hitler-biografi der han også skriv om jødeutryddinga. Han tek også med forteljingar frå Bibelen, sidan har har vore med og arbeidd fram den nye Bibelomsetjinga osb. Her er mykje filosofi, litteraturkunnskap og historie. No har eg ikkje studert verken filosofi eller litteraturkunnskap, så eg kan ikkje bedømme kor gode desse tekstane er. Dei kan virke litt tunge innimellom, men ikkje vanskelige å forstå.

Og så spør ein seg sjølvsagt kva desse tekstane har med resten av bøkene å gjere.Det blir det opp til lesaren og finne ut av.EG har ikkje svaret, og eg trur der vil vere like mange svar som der er lesarar. Berre tenk på kor annleis boktittelen blir om ein legg eit anna trykk på den og seier "MIN kamp". Eg verken kan eller vil prøve å tolke boka for andre, men eg rår alle Knausgård-fans til å lese den.

Til dei som synest boka er litt voldsom å gå løs på, vil eg anbefale å bruke tid på den, den kan godt lesast i porsjonar, og så kan ein ha noko lettare innimellom. Eg har hatt ei anna bok å lese i på senga t.d.

Vermelding 10.februar - 2012

2012-02-10T14:56:00.000+01:00

Klokka er snart 15.00. Ute er det lettskya, fint ver, og temperaturen er +3 - 4 grader C.Det ser nesten ut til at vi kan få litt sol også.
I dag starta eg dagen med å vaske til helga. Etterpå var vi nedover til Vik ein tur, hadde diverse ærend som vi fekk utretta. Trefte litt folk også, og det er kjekt.
Vi steikte oss litt fiskepudding og hadde på brødskiva då vi kom heim, så blir det kanskje noko middagsliknande seinare. I går laga vi fiskekaker på ettermiddagen. Laga av vel 3kilo fisk. Likar ikkje å lage for mykje om gongen, dei er best nylaga.
No er det lese/kvile-pause og eg skal ha meg ei stund med Knausgård. Det går mot slutten av boka no. Den var dryg. Veit ikkje kva det tilsvarar i sidetal, men lydboka inneheld 85 spor, kvart av spora er på minst 30 minutt. Det blir nokre timar!
Då ønsker eg alle ei god helg!
Og i dag gratulerer vi Margunn på Eid med dagen.

Vermelding 9.februar - 2012

2012-02-09T15:25:00.000+01:00

Klokka er 15.15, temperaturen er +3 grader, det er overskya og grått, medskodde i fjella. Snøen smeltar på vegane og er ikkje lenger kvit og fin. For ei stund sidan kom det noko som likna snø ned frå himmelen, men det er borte no.

Nils møtte som vara i Eldrerådet i dag og var borte i to timar. Eg sette meg til å legge kabal på datamaskina mens eg las Knausgård. Visste ikkje ordet av det før Nils var heime att. At eg legg kabal mens eg les, hjelper meg å konsentrere meg. Eg nærmar meg no slutten på boka, og er tilbake i privatlivet til Karl Ove. Og skildringa grip meg på samme måten som dei andre bøkene har gjort.

Før middag dreiv eg og støvsuga -gjer det ekstra grundig somme gonger. t.d. i dag.

Eg er glad for at eg fikk vere ute såpass mykje i går, for i dag fristar det ikkje å gå tur. Eg skulle visst hatt ein hund.

Vermelding 8.februar - 2012

2012-02-08T14:52:00.003+01:00

Klokka er 14.30, temperaturen er + 5 grader og veret er strålande! Sola skin inn glaset ,så her er nesten for varmt inne. Trur den varmar for mange kilowatt.

I dag før middag var Nils til frisøren og klipte seg, mens eg vaska mitt hår. Så skulle vi ut i Rjåneshamna, for Nils skulle flytte båten til ei anna brygge. Den brygga han har lagt ved før, skal skiftast ut. Mens Nils styrte med dette, gikk eg ein tur på den asfalterte stigen som eg har skrive om før. Der ute er det heilt bert, og temperaturen var +5 grader. Men der var iskald, gjennomtrengande vind, så det var som om det var mangfoldige kuldegrader.

Etterpå var vi på Amfi og handla. Då vi kom heim gikk eg tur i lag med ei av naboane, mens Nils laga middag. Han koka småsei og brukte opp att sausen som eg laga sundag. Her kastar vi ikkje mat i utrengsmål.No har vi ete og skal ha ei lita pause med aviser og lydbok.

Her er den gamle bade-og soleplassen vår. Vi brukte å ligge på svaberget og sole oss på fine sommardagar, og bade kvar gong det vart for varmt.Ikkje særlig fristande i dag.

Her har Dagmar vore og øydelagt ei av "fiskebryggene". Det var Helsesportlaget som starta med å lage til dette området, slik at det også kan nyttast av rullestolbrukarar t.d. Lions overtok og fekk anlegget ferdig.

Der stigen sluttar står denne sittegruppa Her kan ein kose seg på fine dagar med å fiske og grille eller nyte medbrakt.

Vegen tilbake.

Vermelding 7.februar - 2012

2012-02-07T13:36:00.001+01:00

Klokka er 13.45. Temperaturen ute er +3 grader. Det er lettskya, fint ver, men ikkje så mykje sol som det var meldt på yr.no.

Nils og kjell for ut for å fiske i 9-10-tida, og kom nettopp att. Vi har nok sei nok til oss ei tid framover, men i dag skal vi ete suppe frå i går. Det varte og rakk før Nils kom heim med fisken og eg vart svolten og frostig. Eg har brukt mykje av føremiddagen til såkalla "kontorarbeid". Har skrive årsmelding for pensjonistlaget, blant anna. Ikkje akkurat noko å bli varm av.

Vermelding 6.februar - 2012

2012-02-06T14:17:00.001+01:00

Klokka er snart halv tre. Ute er det overskya, slapseføre og temperaturen er + 2-3grader C.
I dag ventar vi Margrete og ungane til middag, og det er kjekt. Elles har det ikkje skjedd all verda, så langt. Menyen i dag er ertersuppe + pannekaker.
Strikka ferdig skjerfet mitt, så no skal eg begynne på lester igjen, må bruke opp garnet som eg har kjøpt inn.

Vermelding 5.februar - 2012

2012-02-05T12:55:00.000+01:00

Klokka er ca 12.45, men eg føler det er langt på dag, for vi var tidlig oppe. Ute er det overskya, men opplett og + 2 grader. Sola var framme såpass at vi fekk sjå at no "klive ho honnje", som tyder at vi har sol frå morgon til kveld om det skulle klårne opp. Det har vore ein lett vinter, så langt, med lite snø og kulde. Men erfaringa seier at februar er snømånaden her, så vi kan få mykje vinter enno.
Nils var ute og gjekk tur på føremiddagen, men eg hadde fått den idéen at eg skulle plante nokre avleggarar som eg hadde ståande, og dele opp nokre gamle plantar. At moldposen som låg i garasjen var stivfrosen, stoppa meg ikkje. Eg skar opp posen og helte på kokande vatn, og etter ei stund fekk eg fullført prosjektet. Kasta ein del plantar også, men orkidéane får stå i tilfelle nokre av dei finn ut at dei skal blomstre ein gong til. Etterpå måtte eg vaske kjøkengolvet........ Slikt arbeid skulle ein i grunnen halde til med ute, og i ei anna årstid. Men det var NO er fekk ånden over meg.
Til middag i dag skal eg lage sei i paprika- og løksaus. Det er lenge sidan vi har hatt fisk no. Lenge sidan det har vore fiskever også.
Nils ser sport på TV-men eg skal lese Knausgård. Det går ikkje fort, men kan ikkje lese så mange timar pr dag.

2012-02-04T14:26:00.000+01:00

Klokka er snart halv tre. Temperaturen er ca+1 grad C, og det er delvis skya, med litt sol av og til. Vi har vore ein liten tur til Volda i dag, og elles har vi handla mat på to butikkar i Vik. Til tross for at det ikkje var kaldt i dag, fraus eg ute, det var ein gjennomtrengande iskald vind, særlig i Volda.

Då vi kom heim laga eg Taco, som vi åt til middag, og enda eg hadde "hot" både krydder og saus, så er eg framleis frostig. No skal eg ligge på sofaen med pledd og Knausgård, så kanskje eg tinar opp. Det går ikkje fort med boka, men eg kan opplyse at den består av 84 spor, kvart på ca 30 minutt, så det tek si tid.

Elles har det ikkje skjedd mykje i dag-og det er like greitt. Nils ser sport på TV-så eg kan lese med godt samvit.

Vermelding 3.februar - 2012

2012-02-03T13:45:00.001+01:00

Klokka er 13.30, temperaturen er +2 grader C. Det er overskya, og det har kome litt meir snø. Såpass at Nils måtte moke litt, med hand, i dag tidlig.
No har vi vore ned til Vik. Eg måtte på biblioteket og låne meg ei "attåtbok" til å ha som sengelektyre. I går kveld la eg meg til med Knausgård på øyret, utan å tenke på at MP3 platene ikkje tek pausar. Vakna midt på natta av at det var einkvan som masa noko heilt forferdelig. "Min kamp 6" er nokså mykje annleis enn dei første 5. Trur han har skrive dei fem første for å kunne skrive nummer 6. Eg er komen til spor 40, men heile boka er på 84 spor, så den kjem til å vare ei stund til. Men det er veldig interessant det han skriv.
Kjøpte ikkje så mykje i Vik i dag, men eg investerte i ei ny handveske, den gamle var velbrukt !
Var ein tur opp i gågata, der det kom ein heil flokk med småbarnsmødrer som var ute og trilla. Dei møtest og trillar/trimmar i lag. Det ser koselig ut.
No skal vi snart ete middag. I dag blir det steikt fiskepudding. Vi er enige om at ball (i store mengder) er tung kost for gamle magar, så det blir ei stund til neste gong.
Så vil eg ønske alle ei god helg, same kva de har tenkt dykk til med.
PS: Synest at Svendsengarden/Mellegarden liknar eit peparkakehus.

Vermelding 2.februar - 2012

2012-02-02T12:46:00.000+01:00

Klokka er ca 12.45,og temperaturen + 1 grad C. Og så kom det meir snø! Heldigvis! Eg set pris på det, viss den berre blir liggande og vi får sparkføre igjen. Det er det beste med vinteren, sparkføre altså. Då kan vi som er lettare rørslehemma komme oss ut på litt lengre turar. Men viss det endar opp i slaps, er eg mindre begeistra.
I dag har eg støvsuga i heimen. Det tok litt lenger tid enn vanlig, sidan eg prøvde ut ei ny møblering, men gikk tilbake til ein tidlegare variant. Skulle ønske eg hadde fleire muligheiter - forandring frydar, som kjent.
Elles har det ikkje hendt så mykje i dag. No varmar vi på ballrestar frå tysdag, og eg kjenner at eg er veldig svolten. Skal få gjort litt meir utpå dagen, men må nok ha ei pause etter ball-måltidet.

Vermelding 1.februar - 2012

2012-02-01T13:55:00.002+01:00

Klokka er 13.45. Sola skin her hos oss, det er berre ei lita stund rundt klokka 12.00 ho er attom Melshornet no. Temperaturen er minus 2 grader. Stort finare kan ein ikkje ha det midt på vinteren. Ikkje fullt så fint nede i Vik, der ikkje sola når til.
På AMFI driv dei og bygger på, dei har hatt bra arbeidsver i vinter med lite snø, men det er no ikkje nokon jobb som eg misunner, dei kor som er. Må vere travelt med dei bråkete maskinene.
Nils har vore og styrt med ved i dag også. I dette fine vere blir morgonane lysare og ein kan komme tidlegare i gang.
Mens han var på vedaskogen, vaska og rydda eg heile dekketøyskapet på stova, det er eit lite tiltak, men jobben tok mindre enn ein time. Litt kjekt å sjå kva ein har i skuffer og skap, det er ikkje i bruk så ofte.
Så stelte eg litt med bromstrane, vaska potter etc. Trengst litt fornying , men eg håper at nokre av orkidéane som står på vent, vil kome med blomster snart.
Tok ein tur ut på butikken til Målar-Olav og kika på gardiner. Det var med tanke på Margrete sitt prosjekt. I ferdigsydde gardiner var der lite utval, og fargane var grått, beige, lilla, rosa ....ikkje direkte spennande. Men der var mange fine stoff. Dessutan kjem dei til å få inn mykje mytt framover, så kanskje ein bør ha is i magen. Eg tok mange bilde. Måtte liksom ha eit ærend, for eg likar å gå og sjå kva nytt som kjem på markedet, sjølv om eg ikkje skal ha noko sjølv.
I dag blir det ikkje middag, ialle fall ikkje med det første, treng ein kviledag etter ball-orgien i går.
Eg har no begynt på MP3-plate nr.2 av 3 av "Min kamp 6". Etter ein litt treg start er det no blitt skikkelig interessant, og det er vanskelig å legge boka frå seg. Denne siste boka er nokså mykje annleis enn der 5 første.

Vermelding 31.januar 2012

2012-01-31T13:50:00.000+01:00

Klokka er 13.30, sola skin frå nesten skyfri himmel, og temperaturen på trappa vår er minus 1 grad C. Trur det var kaldare i dag morgon.Vi har god nytte av sola som skin inn vindua. Så får det heller våge seg at dei skitne vindua blir svært så synlige. Vi vaska dei i romjula, etter stormen, men dei blei fort stygge igjen.Det var ikkje lange stunda sola var vekke bak Melshornet i dag, så no har vi snart sola heile dagen. Ja, så sant veret held seg like fint.

I dag har Nils vore og saga ved inne i "Fonna". Der låg nokre rotvelter etc. som han hadde sett seg ut.Eg fann meg arbeid inne i varmen. Har rydda og vaska skuffer og skap på kjøkkenet. Oppdaga litt av kvart, så det vart til at eg fann ut at eg kunne koke ball (klubb) og det gjorde eg. Var litt sein å kome i gang, så det blir ikkje middag før om ca 1 time. Etter middagen blir det sikkert stillstand ei stund..........

Eg brukar det ferdige mjølet, så då er det ikkje mykje arbeid, og ballen blir nesten like god som heimelaga.

Ikkje akkurat slankekost, men eg gler meg til middag i dag !

Vermelding 30.januar 2012

2012-01-30T16:49:00.002+01:00

Klokka er vel halv fem. Det har vore nydelig ver ute i dag også, med sol innomellom. Temperaturen er no ca minus 4 grader C. Bildet har eg tatt av himmelen i vest, men det er ikkje så mørkt som det ser ut. (Telefonledningen har ein tendens til å komme med når eg tek bilde i den retninga.)

I dag gikk Nils morgon-/føremiddagstur fram i Nupen utan meg. Han skulle finne att dei gamle turkompisane sine. Eg nytta høvet til å vaske gpolv, henge opp klede og gjere diverse anna husarbeid. Til middag laga eg sei og grønsaker i form, men eg tykte ikkje det vart så godt som den seibiffen eg plar lage. Elles har eg strikka ferdig hua mi mens eg las i Knausgård-boka. Vegane er så strødde at det ikkje er råd å bruke spark, så då er det ikkje så kjekt for meg å gå ut. Trur forresten hofta mi har godt av ein kviledag. Har planar om å strikke eitt eller anna skjerf-liknande av garnrestane frå hua, men er ikkje så motivert. Skal kike inn på "Strikkemor(o)" sin blogg og sjå om eg finn noko fristande.

Vermelding 29.januar - 2012

2012-01-29T14:21:00.000+01:00

Klokka er 14.15, temperaturen er minus 2 grader, og veret er strålande. Vi hadde sol frå klokka var vel ti og ei stund framover, då forsvann ho bak Melshornet. Vi bestemte oss for å fare ut på Setre der det er sol heile året, og gå tur på vegen.
Det gjorde vi, men først laga eg ferdig ein god porsjon med Minestronesuppe, som vi skulle ha når vi kom inn frå kulden. Eg brukte stort sett oppskrifta i "Smalhans"-boka, men var litt lettsindig då eg hadde i makaroni. Tømte rett frå pakken, og var vel raus. Så då vi kom heim att og skulle ete suppa, var den meir som ein gryterett. OK-men det smakte godt, og mette vart vi.
Hadde ein fin tur på den gamle bilvegen på Setre (Hagevegen) og trefte mange andre som hadde oppsøkt sola der ute. Vi gikk med stavar for å få litt mosjon for armane også.
No ser Nils på skirenn, men eg skal legge meg på sofaen med Karl-Ove.

Vermelding 28.januar - 2012

2012-01-28T19:38:00.001+01:00

Klokka er no ca 19.30. Temperaturen ute er minus 2 grader. I dag har det vore lettskya, ganske fint ver.
Vi reiste utover til Hareid i 12 tida, og var hos Solveig før klokka 13.00. Ikkje lenge etter kom Margrete og ungane. Vi feira Håkon som vart myndig for ti dagar sidan. Det var berre seks av barnebarna våre til stades i dag, så flokken var ikkje så stor som den ofte har vore.
Eg har sjølvsagt ikkje fått alle inn på eitt bilde, så eg måtte legge inn to, og enda får eg ikkje med Erlend. Men han var der, han også. Håkon er guten i kvitt. Elles har Solveig skrive meir om treffet på sin blogg. Vi fekk som vanlig god mat, og som vanlig hadde vi tusen ting å prate om. Takk til Solveig og Øystein m.fl. for ein fin dag.

Vermelding 27.januar - 2012

2012-01-27T15:17:00.001+01:00

I dag er det lettskya, fint ver. Klokka er no 15.15 og temperaturen er + 3 grader C. Bildet er tatt for ein times tid sidan, då var sola framme. I klårver har vi no sola ganske lenge på føremiddagen, og så kjem ho att ein tur litt seinare.
I dag har vi vore ein tur til Vik og handla, og eg har laga til ei kake som vi skal ha med til Hareid i morgon. Då skal vi feire 18-årsdagen til Håkon litt på etterskot. Forrige helg var han med HØDD til Sogndal og spela fotball.
Det skal visst bli skikkelig kaldt snart. Det toler vi nok, men dessverre har det minka stygt på snøen, så sparkføret er ein saga blott. Det beklager eg!
Eg begynte å strikke på ei hue til meg sjølv i går, men måtte ha meir garn, så det kjøpte eg i dag. Eg strikkar i dobbel Alpakka, men kunne tenke meg eit skjerf i enkelt garn. Nokon som har eit lett mønster?
Oppdagar at eg har strikka så lenge på lester etc. at eg er blitt litt slurvete, strikkar ikkje så pent som før. Det kan umulig ha noko med alderen å gjere ?
I dag er det fredag igjen, og eg ønsker alle ei god helg.

Vermelding 26.januar 2012

2012-01-26T17:48:00.000+01:00

Klokka er17.30, temperaturen ute ca +4-5 grader C. Det er overskya, litt vind av og til, men opplett.Eg synest at det var synd det fine vinterveret med sparkeføre forsvann.
Dette er første inne/heime-dagen eg har hatt denne veka. Eg brukte føremiddagen til vasking, støvsuging og til å skrive ferdig og sende referatet frå møtet i går til avisa.Etter at det var sendt, oppdaga eg ein feil, men det er ikkje sikkert at andre ser den. Ikkje alle møte er like enkle å referere frå.
Frustrasjonen med spelaren som ikkje virka, gikk fort over då eg fann på-knappen. Det KAN vere lurt å lese bruksanvisningar, det har eg erfart fleire gonger.Men eg trudde faktisk eg kunne alt om Walkmen etter å ha slite ut sånn ca eit dusin av dei.
Nils laga middag i dag. Dvs. han koka poteter og gulrøter og steikte (heimelaga) fiskepudding. Så la eg meg på sofaen med Knausgård. Eg har enno ikkje lese så mykje av boka at eg har blitt fanga. Må legge meg opp eit spøt, har ikkje tolmod til berre sitte og høyre bok.Boka er på 3 MP3 -plater, veit ikkje kva sidetal det svarar til.
Eg skriv ofte ordet "anbefale"- og etter alle gode, gamle nynorskreglar er det sikkert eit ord som er forbode. Men kva skriv ein på nynorsk? Utan å bruke ei heil setning. Eg hadde ei ordbok som heitte "Fornorskingsordbok"-den finn eg ikkje att. Men det er no litt rart at vi som bur i Nynorskland skal trenge noko slikt?

CDON- netthandel

2012-01-26T12:50:00.002+01:00

No er det like før eg hyler! Eg har gledd meg til å få den nye CD/ MP3 spelaren i posten, og i dag fekk eg den. Eg har hatt akkurat same sorten før-og hadde ikkje noko problem med den. Og så får eg altså ikkje denne ltil å virke. Har prøvd med to sortar batteri, same som eg har brukt før, og både CD og MP3-plater. Kva gjer eg no?
Internett er ute også, forresten. Og eg skulle sende referat til avisa. Frustrasjonane står i kø!
PS: Det var ikkje så dumt å lese bruksanvisninga. Skal gjere det oftare. Spelaren virkar som han skal både på CD og MP3-plater. Hurra!

Eg vann, eg vann!

2012-01-25T19:44:00.001+01:00

Eg plar aldri vinne noko når eg tek lodd. I pensjonistlaget har vi gammaldagse årar som vi sel til 10 kr stk. Nils kjøpte 10 årar og gav til meg, for han skulle vere med å dele ut gevinstane. Det varte ikkje lenge før eg vann, og så vann eg igjen. Heile fem gonger! Det vart heilt flaut !
Her ser de gevinstane: ein primula, to pakkar med kjøkkenhanddukar, og to gåvepakkar frå meieriet med smør, ost og søst(gombe).
Elles var eg litt spent på kåsøren i dag. Han heitte Kjell Løset, og eg meinte at han kanskje gikk i parallellklassen min på gymnas. Det var nesten rett. Broren hans, Karl- Magne, gikk i den klassen. Før vi kom så langt at vi fekk prate med kvarandre, sat eg og såg på han, og tenkte at det kanskje var han eg kjende -og han hadde sett på meg og syntest det var noko kjent med meg. Han påstod at han hadde sett meg før. Han begynte på gymnas på Eid hausten 1958, då var eg slutta, men kanskje han har sett meg på eit bilde?
Møtet var OK, men eg heldt på å kovne, der er så varmt og tung luft der nede.

Vermelding 25.januar 2012

2012-01-25T15:29:00.000+01:00

Klokka er snart halv fire og klokka fire begynner pensjonistmøtet på Bakk-Ola. Har vore der på føremiddagen og dekka bord etc. Etterpå var vi ein tur på Amfi og handla litt. Kjøpte ein Grandiosa som vi år då vi kom heim, og med ein kopp god kaffi held eg meg nok våken under møtet. Forresten er det ikkje så avslappande sidan eg må notere under programmet om eg skal ha noko å skrive om i avisa.
Veret i dag er overskya og opphaldsver. Temperaturen er +4-5 grader C.
I dag kjøpte eg med ein "flekkete" orkidé på Coop, men eg håper nokre av dei gamle orkidéane eg har fødd fram over vinteren har tenkt å komme med nye blomster. Det er i alle fall liv i dei.
Forresten er Hassan komen tilbake, så no blir det vel meir fisking.

Bok nr.4 - 2012: Reisen hjem.

2012-01-24T21:05:00.001+01:00

Denne boka er ein såkalla "bestseller"- det vil seie at den er lettlesen og enkel.Svært enkel, vil eg seie. Grei avslappingslitteratur. Kva boka handlar om kan de lese om de forstørrar bildet.

Saka er at dette kunne blitt ei fengande fortelling om den var betre skriven; slik den no er blir den veldig triviell."Smalltalk" vil eg kalle forteljemåten. Språket er kjedelig og utan finesser.

Likevel ser eg ikkje bort frå at eg kunne ha likt boka godt om eg var t.d. 15 år.Eller godt over 80.

I dag kjem den nye CD/MP3-spelaren min til Ørsta. Skal hente den på posten i morgon.Då blir det Knausgård. Han kan få den minste banale ting til å bli interessant.

Vermelding 24.januar - 2012

2012-01-24T15:27:00.001+01:00

Her kan vi sjå Liadalsnipa i det fjerne-den ser vi også frå Rjånestet.

Her ser vi tvers over vatnet, der vegen til Ulsteinvik og Hareid går.

Klokka er 15.15, temperaturen er + 2 grader C, og det er delvis skya ute.

Tidligare i dag var det sol frå klår himmel, og vi ville ut å gå tur. Men før vi kom så langt, laga eg ein bløtkakebotn og så laga eg ferdig middagen. I dag vart det ei mild "kyllinggryte" av det som vart at av høna eg kokte søndag. Tok litt av kvart oppi, så eg fekk kvitta nokre fleire smårestar. Godt vart det også. Risen kokte eg godt opp før vi for og la lok på, så då vi kom heim att var det berre å varme opp gryta, så var maten klar.

I dag køyrde vi bort til Hovdevatnet og gjekk på stigen langs vatnet, hadde ikkje ski, berre stavar.Først gjekk vi i sola, men etter kvar kom vi bort i skuggen. Vi gjekk ikkje så veldig langt, for det er verre for meg å gå når vegen er knudrete og ujamn.

På heimvegen stakk vi innom Gjenbruk og skulle sjå om vi fann rammer til maleria våre. Hadde med oss både målband og mål, men ikkje tale om at det var noko som passa, til tross for at der var mange fine rammer.

Kjøpte to nøster lilla "alpakka" som eg skal strikke hue til meg sjølv av. Med dobbel tråd. Såg meg ut eit mønster i huebladet på butikken(samme bladet seom eg har heime)-men no er eg ikkje sikker lenger. Nokon som har eit godt forslag?

Vermelding 23.januar - 2012

2012-01-23T13:35:00.001+01:00

Klokka er13.15, det er lettskya, fint ver og temperaturen er minus 1 grad. Tidlegare i dag var det kaldare, men då var det sol og klårver.

I dag har vi vore ein tur fram i Nupen; eg med spark og Nils på føtene. På den måten slepp han å gå så seint som eg, og eg kan klare mykje lengre turar enn om eg går på føtene.

Framme i Nupen er det berre ein gard som er i drift, og der sluttar vegen, dvs den går over til "seterveg" som er køyrbar heilt fram til Vallasetra på sommarstid.Då vi kom fram til huset der vi budde ein gong, gjekk vi inn i skuggelandet, men gledde oss til å kome inn at i sola på tilbakevegen. Då hadde det skya over. Men vi hadde ein fin og frisk tur. Hadde ikkje Nils lokka meg ut, hadde eg vel funne noko å gjere inne kjenner eg meg sjølv rett. Fekk vaska og rydda litt på kjøkkenet før vi gjekk ut, så eg slapp å kome heim til rotehus. No har eg sett fiskekaker til varming i steikomnen, så i dag blir det enkel middag. Skal snart lage fiskekaker igjen, lagar ikkje mykje om gongen, dei er best nylaga.

Vi pensjonistar har det som plomma i egget så lenge vi får vere friske. Kan gå tur midt på føremiddagen, og har ingen andre plikter enn å stelle for oss sjølve. Det er berre eit aber, og det er alderen.

Bilda er av Nupen-garden. Det treet som er heilt til høgre på første bildet, kjem att på venstresida av bilde nr.2.Bilde nr 2 skulle eigentlig hange i hop med nr.1. Fjellet på første bildet heiter Nupatippen-om eg ikkje tek feil.

Vermelding 22.januar - 2012

2012-01-22T12:49:00.000+01:00

Klokka er no 12.45, utetemperaturen er minus 2 grader C; det er nesten klårt og nydelig ver.
Sette høna er kjøpte i går på kok, og då sola kom ned hit til oss, var vi klar til å gå tur. Vi gjekk opp Storebakken, og så tok vi av og gjekk eit stykke opp gjennom skogsvegen, Stien var såpass hardtrampa at det gjekk bra å gå eit stykke oppover. Vi måtte forsere eit par graner som låg over vegen, og etter kvart vart snøen for mjuk, så vi snudde ned igjen.
Eg hadde sparken med meg, så i nedoverbakkane gikk det lett, og Nils fekk skikkelig mosjon sidan han måtte springe langsmed.Han fekk tilbod om å sitte på, men takka nei. Han er litt pysete sånn. Stolar vel ikkje på pirattaxisjåføren.Det var i alle fall ein heilt herlig tur i fineveret-ikkje særlig kaldt ein gong.
No driv eg og kokar inn hønsekrafta til Mulligatawny-suppa som eg skal lage etter oppskrift frå boka "Smalhans". Meiner Solveig har lagt oppskrifta inn på bloggen sin. Så får vi sjå om det blir ein favoritt eller ikkje.

Vermelding 21.januar - 2012

2012-01-21T16:11:00.001+01:00

Klokka er16.00. Temperaturen er minus 1 grad og det er lettskya, fint ver ute, men det er vel like før det skymest.
Det var ikkje fullt så fint i dag tidlig, men det har kome ein liten tanke meir snø. I to vintrar har vi nesten snødd nede, men i år synest eg vi har for lite av sorten
Vi har vore på Amfi nesten heile føremiddagen; trefte mykje kjentfolk som vi prata med. Kjekt det.
Handla berre litt mat på Coop, og trur de ikkje eg fann ei heil høne i dag? Så no blir det vel endelig Mulligatawny-suppe her i huset også.
I dag vart det Taco til middag. Etter fem dagar med middagar basert på sei, hadde vi behov for noko real HOT. Og det fekk vi. No er det pause, eg trur eg skal høyre lydbok i sittande, strikkande stilling, elles veit eg korleis det går.
I morgon skal eg på sparktur om veret held seg slik som no-og det trur eg det gjer.
(Bildet er frå i går.)

Vermelding 20.januar 2012

2012-01-20T13:01:00.002+01:00

Klokka er snart 13.00. Temperaturen er minus 2 grader, og det er nydelig ver ute. Nils og eg har nettopp gått ein tur rundt Storebakken. Det var fint, men litt glatt, så eg sakna sparken. Må sjå til å få montert den opp. Det første bildet her er tatt frå altanen ca klokka 11.00, det andre frå toppen av Storebakken opp mot skogen.

Eg snakka med noboen min i dag, hobbyastronomen, om kvifor vi fekk sola ein dag for tidlig i år. Og han sa det som eg trudde, at det hadde med skotåret å gjere. Ikkje berre dette skotåret, men også med med den skotårsdagen som vart sløyfa i år 2000. Heile kalenderen vart justert, og er altså litt i utakt med det som før har vore. Eg skal få meir utgreiing om saka seinare.

Før vi gjekk ut vaska eg golv, så no er vi snart klar for helg. Nils driv og varmar opp restar av blandaball, og vi gler oss til nok ein seimiddag. I dag er det 5.seidag denne veka, så i morgon får vi finne på noko anna.

Det skal visst vere enkelt å føre over spora på MP3-plater frå data til MP3-spelar, men eg har ikkje funne ut av det enno. Det er vel tolmodet som manglar. Kan høyre "Min kamp 6" på datamaskina, så det er ikkje så farlig.

Ønsker alle ei god helg!

I dag er det Renate som har fødselsdag. Vi gratulerer.

Vermelding 19.januar 2012

2012-01-19T15:33:00.001+01:00

Klokka er snart 15.30. Ute snøar det akkurat no, og det tek til å mørkne. Då eg tok bildet for vel 1/2 time sidan, var det opplett og lyst. Det er meldt at det skal bli kaldt, så eg håper vi får litt snø først. Akkurat no er det+ 1 grad C.

I dag var eg først til frisør og fekk klipt og farga håret. Det var på tide!

Etterpå var vi på biblioteket der eg fekk henta dei tre MP-3 platene med "Min kamp 6 ". Fekk to lydbøker med Einar til jul, som eg ikkje har fått til å spele av med det utstyret eg har tilgjengelig. Den gamle walkman-en min greidde eg å finne att, men ikkje å få lyd i. OK. Eg hadde sett at dei hadde slike på El-kjøp, men den sorten dei har no, spelar ikkje MP-3-plater, berre CD. På Lefdal hadde dei ikkje sorten. Dei unge mennene eg prata med begge stader, syntest det var rart at eg ikkje fekk spele platene på PC-en, og det syntest eg i grunnen sjølv også, så då eg kom heim la eg Knausgård inn i laptoppen. Og der var det lyd! Så prøvde eg den stasjonære- og der var det lyd! Så prøvde eg boka eg hadde fått av Einar. Og der var det lyd! Så kva eg gjorde gale sist eg prøvde, veit ikkje eg. Eg hadde i alle fall på høgtalarane. HEILT sløv er eg ikkje. Men problemet no er at eg ikkje har peiling på om eg kan få lagt spora inn på den vesle MP3-spelaren. Får i alle fall ikkje til å gjere det på samme måte som eg plar.Viss ikkje må eg sitte framfor datamaskina og høyre heile boka, og det er litt drygt.

I dag har vi ikkje laga oss middag, men ete smørbrød med heimelaga fiskepudding, reker og majones.

I dag fyller Øyvind på Eid 19 år og vi gratulerer så mykje med dagen!

Vermelding 18.januar - 2012

2012-01-18T14:20:00.000+01:00

Klokka har passert 14.00. Ute er det regn og grått. Flaks at sola kom ein dag for tidlig, så fekk vi sett snurten av den. Temperaturen er + 5 grader C.
I dag kom eg meg opp av senga i skikkelig tid, såpass det vart litt ut av føremiddagen.
I dag har eg laga blandaball av sei, så eg kallar denne dagen "3. seidag". Det var kjempegodt etter vår smak. Verken Nils eller eg er vant til denne rekken, men har fått smaken på den på eldre dagar. Eg laga av 1 kilo fisk, og då ha vi tre store middagar. Viss nokon vil vite oppskrifta, finn de den på Solveig sin blogg under etiketten "middag".
Mens ballen koka, fekk eg støvsuga på stova.
I dag fekk eg melding frå biblioteket om at "Min kamp 6" var komen -på MP3 -plate. Eg har sjekka, og funne ut at eg ikkje kan spele av MP3-plater verken på datamaskina eller på CD-spelar/ radioen. Lyt grave fram att den kasserte Walkmannen, og sjå om eg får den i gang.Der har eg spelt MP-3 plater før.
Det er stor usikkerheit i lydbokbransjen om kva format dei skal satse på ser det ut til. Og brått er det noko heilt nytt som kjem på markedet og då er alt anna gammaldags.
No hører eg at Nils har falle ut, så eg få legge meg på sofaen med lydbok og vere stille som mus.

Håkon fyller 18 år- onsdag 18.januar

2012-01-18T14:04:00.000+01:00

Vi vil i dag gratulere barnebarnet, Håkon, med at han er blitt myndig. Det er ikkje sikkert han set pris på at mormora mimrar om han, så det skal eg la vere. Hugsar at dei to eldre brørne var veldig begeistra for å få ein bror(og ikkje ei søster)-trur dei såg ein potensiell fotballspelar i han heilt frå fødselen av. Elles har Håkon, i tillegg til fotballen, hatt mange andre interesser også. Ei stund var han ein aktiv ornitolog, og så er han vel den av barnebarna som har vore med morfaren på flest fisketurar. Bildet der han held den store seien er frå 2008. Fotballbildet er av nyare dato.

Gratulerer med dagen!

Vermelding 17.januar 2012

2012-01-17T15:37:00.002+01:00

Klokka er ca 15.30. Ute er det fint, lettskya ver, med tidvis sol i fjella.Temperaturen er + 4 grader, men etter som det står i avisene, skal det komme spregkulde frå Russland. I dag kom sola inn i stova til oss, ein dag for tidlig. Eg trudde først det var på grunn av at det er lite snø i fjella, men kom til at det må vere skotåret si skuld. Som kjent følgjer ikkje kalenderen sola heilt nøyaktig, så vi får ein ekstra dag kvart 4.år. Eg er verken fysiker eller astronom, men det finst vel dei som kan klare opp i dette spørsmålet?

I dag var vi ein tur ned på Amfi for å handle. Etterpå var vi innom rådhuset og prata med kultursjefen om ei sak som har med pensjonistlaget å gjere. Frå parkeringsplassen der, tok eg eit bilde opp mot fjellet "vårt"- Vallahornet.

På heimvegen var vi innom "Gjenbruk" og leita etter skattar. Der hopar det seg opp meir og meir. Dersom ein likar å ta vare på gamle ting og pusse dei opp, er der mykje å finne i underetasjen. Oppe er det meir koppar og skåler etc.Kika etter nokre grøne skåler til Solveig, men i dag var der ikkje. Kjøpte meg 4 desserttallerkar i glas, det er litt svinn på slikt i heimen. Og så fann eg meg ei eldfast form med lok. Til saman vart det under 100 kr.Til neste gong skal eg ta mål av eit par bilde som eg ikkje har funne ramme til.Ein kan til dømes kjøpe eit innramma bilde og bruke ramma. Dei som er så gamle som eg, hugsar nok dropsspannene som stod i "snopebutikkane" før. No hadde dei fått inn to slike, som dei sel ut att til 250,-kr stk.

Då vi kom heim steikte eg småsei i lange baner, skulle tru det hadde vore nok til eit heilt regiment, men det låg ikkje så veldig mykje att på fatet. Til vår unnskyldning kan eg seie at stykka var tynne.

Sist natt sov eg skikkelig for første gong på lenge, så no gjeld det å ikkje somne på sofaen.

Bok nr.3 - 2012: Satellittmennesker

2012-01-16T18:54:00.001+01:00

No har eg lese Hans Olav Lahlum sin andre krimroman. Den første, "Menneskefluene", har eg også lese.
Eg veit ikkje om eg skal kalle bøkene hans gammaldagse eller klassiske. Han skriv i alle fall i ein stil som ligg litt tilbake i tid.
Han har lagt hendinga til 1969, dermed er her verken mobiltelefonar, datamaskiner eller DNA, slikt som spelar stor rolle i moderne krim. Språket er altså slik det var på den tida. Og språket er godt og presist- merkelig då at han kan skrive "rygge bakover" - som han faktisk gjer.
Førstebetjent Kolbjørn "K2" Kristiansen er etterforskaren , og han har også fortejarstemma i boka. Han jobbar åleine med å oppklare morda, men han har ein hemmelig rådgivar i den funksjonshemma professordottera Patricia Borchmann. Ja, det er eigentlig ho som er "hjernen" bak oppklaringa.
Romanen er svært fokusert; ikkje mykje "te og bollar" her. Som i dei gamle krim-romanane er det også her mulig for lesaren å gjette seg fram til mordaren, noko som eg greidde denne gongen. Det er eit puslespel der alle bitar skal på plass, så oppklaringa blir litt langdryg.
Boka er godt skriven, alle trådar blir nøsta opp og alt er greitt. På den måten er det ei god bok. Men sidan her er lite handling, men mest samtalar og indre dialog, synest eg det blir litt kjedelig.

2012-01-16T13:44:00.001+01:00

Klokka er 13.30. Ute er det overskya, opplett og + 3grader C. Men seinare i veka er det meldt kaldt og sol. Håper vi får LITT fint vinterver før våren kjem.

I dag for Nils og kamerat Kjell på sjøen for å fiske, dei fekk kva sin stamp med sei, denne gongen var det mest småsei. Så blir det i alle fall "levende pale" til middag, så får eg endelig bruk for smøret eg rova til meg før jul.I det daglige brukar vi ikkje mykje av den sorten.

Eg ligg lenge om morgonane, og det er fordi eg har problem med å få sove om kveldane; klokka kan bli både 4 og 5 før eg somnar skikkelig. I alle desse sømnlause timane ligg eg med lydbok på øyret, så fell ikkje tida så lang.

Elles har eg baka brød i dag, og så begynte eg så smått på våronna innomhus. Dvs. eg tømte bokhylla på stova, vaska hylla og rydda i bøkene. Eit arbeid som faktisk tek litt tid. Det er bra med det, ein har alltid eit skap eller ei skuffe som treng ein omgang. Som husmor er ein aldri arbeidslaus.

Høyrer motorsaga går hos ein av naboane som har ei rotvelta fure liggande i hagen.Nils er ute og steller med fisken sin. Seinare får vel eg overta. Han begynte å snakke om blandaball, ein rett som verken han eller eg er vant til, men som vi likar godt. Solveig har ei oppskrift på bloggen sin.

Vermelding 15.januar - 2012

2012-01-15T15:24:00.003+01:00

Klokka er 15.00. Temperaturen er + 3 grader C. Det er overskya og opplett no; før i dag var det skodde, men den er borte no. Eg er ikkje glad i kulde, men kunne godt tenkt meg litt skikkelig vinter nokre dagar. Nils gikk ein tur f.m., men det er for glatt til at eg kan tore meg ut og gå, og for mildt til å kunne bruke spark. Så eg har halde meg inne. No har eg vore oppe og prata med Marit ei lita stund.

Til middag i dag hadde eg tenkt å lage mulligatawny-suppe. Før jul kjøpte eg inn to store pakkar med kyllinglår som eg hadde tenkt å bruke til det. Heile høner eller kyllingar var ikkje å få kjøpt. Men då eg skulle pakke ut låra, viste det seg at kvar pakke inneheldt 2 små lår, som var krydra og innsmurde med pesto. Kanskje eg skulle ha lese litt meir på pakken? I alle fall vart kyllinglåra steikte i omnen, så det var greitt nok. Har hatt ståande ein pakke med cous-cous som eg tenkte eg kunne ha attåt. Miksa nokre oppskrifter frå "Smalhans" og dikta litt sjølv, og det blei bra det. Enda betre hadde det blitt om eg hadde hatt passelig mykje cous-cous i. Eg er alltid så redd for å lage til for lite at eg tok dobbelt opp.Vi har til ei måltid til, for å seie det slik.Eg plar aldri lage dessert når vi ikkje har gjestar, men i dag laga eg gelé med frosne bringebær+ vaniljesaus. Prosjektet er å ete av lasset.

Elles har det ikkje skjedd så mykje i dag, men no skal eg ha meg ei stund med bok på øyret, så blir det sikkert litt meir spenning. Nils ser sport på TV.

2012-01-14T14:23:00.001+01:00

Klokka er 14.15. Temperaturen ute er + 2 grader C, det ligg litt snø på marka, men det er opphaldsver og stilt.

Vi var ein liten tur nedover, skulle skifte ei bilderamme, for å få litt system i bildeopphenget. Og så var det som vanlig litt vanskelig å arrangere bilda. Eg har litt problem med å få hengt bilda opp på ein litt "artistisk" måte. Det blir som regel"beint og kjedelig", men med eit visst system. Har fått store fine bilde av gutane til Rasmus, som får lov å henge i lag. Eit anna bilde vi fekk av alle tre får stå på dekketøyskapet. Når ein har 11 barnebarn, treng ein litt veggplass. Men det er så koselig å ha dei hengande!

Det var ikkje mykje vi trong på butikken i dag heller, frysarane er framleis nokså fulle. Til middag i dag blir det fiskekaker av dei eg laga nyttårsdag. Det blir vel snart ver å fare på sjøen, så då får eg lage nye. Laga forresten to fiskepuddingar også, og den eine blei veldig god. Den andre var for lite spedd og vart for fast. Så lærte eg at fiskepudding må ein spe meir enn kaker, og vart ei erfaring rikare. No ser eg helikopter over sentrum, skal tru det har hendt ei ulykke igjen?

I dag kan vi gratulere Roar Jarle i Trovågen med dagen!

Vermelding 13.januar 2012

2012-01-13T14:33:00.001+01:00

Klokka er no 14.30.Det er overskya, litt vind og litt snø/hagl/sludd/regn -innimellom. Temperaturen er + 5 grader C.

I dag har eg vore på styremøte i pensjonistlaget. Vi heldt til på Bakk-Ola. Der skal vi også ha dei to første medlemsmøta i år, det første den 25.januar.

Bildet viser møterommet som også blir nytta av andre organisasjonar. Innimellom møta fungerer det som kafé. Det er eit fint rom, men veldig langt og smalt, så det er ikkje så godt eigna til "sceneopptreden".Når vi har lagsmøte er det så vidt alle får plass. Det er derfor vi har somme av møta våre på kulturhuset. Betjeninga på Bakk-Ola er veldig kjekke og tenestevillige, serviceminded på godt norsk.

I løpet av dagen/kvelden skal eg skrive møtereferat før eg gløymer kva vi snakka om. Har sjølvsagt notert litt. Men først skal eg ha meg ei pause med "Satellittmenneske" av Hans Olav Lahlum, på øyrene.

Elles er det jo fredag, og tid for å ønske alle ei god helg.

Bok nr.2 - 2012:

2012-01-12T21:06:00.000+01:00

Denne boka har eg nettopp lese ferdig. Har ikkje brukt lang tid på den, for den er på berre 7 CD-plater.

Boka høver godt å lese som lydbok, her er ei enkel handling og få personar å halde orden på. Eg likar måten Linn Ullmann skriv på, men det er ikkje så lett å skrive om boka.

Forteljaren er allvitande og skifter fokus, eller korleis eg skal uttrykke det, mellom personane i boka.

Det begynner med at nokre smågutar leitar etter ein skatt dei har grave ned, og finn liket av ei ung jente. Men det er ingen kriminalroman, sjølv om dette mysteriet er sentralt i boka. Djupast sett handlar boka om kommunikasjon mellom menneska, om løgn og sanning, og om det som aldri blir sagt. Ein av hovudpersonane i boka er ein forfattar med skrivesperre, han finn ikkje orda han skal bruke.

Eg har ikkje googla boka, men det er sikkert meir å finne på nettet. Sjølv likar eg best å lese bøkene utan å vite for mykje på førehand.

Eg trur dette er ei bok som særlig kvinner vil like.

Vermelding 12.januar 2012

2012-01-12T14:29:00.002+01:00

Bildet er teke frå parkeringsplassen til Amfi for ca eit kvarter sidan, veret er finare no, så det er vel den blå himmelen ytst i fjorden som flyttar seg innover.Det har vore ein del haglbyger i dag, men akkurat no er det opplett. Og vind! Temperaturen er mellom to og tre +-grader- og klokka er 14.15.

Etter at eg hadde vaska golva til helga( skal på møte i morgon f.m.) var vi nedover ein tur. Var innom fleire butikkar, men kjøpte ikkje så mykje. Det er ikkje så mykje vi treng, av mat i alle fall, julelageret varer ei stund.

No virkar både internett og telefon, men litt problem skal det visst alltid vere.

Kort sagt er problemet slik: Den stasjonære maskina nektar å sende ut post, men ho tek imot alt ho får, med unntak av det eg sender frå laptoppen.

Det er sikkert ikkje all verda å fikse det, for dei som kan!

No er ikkje dette noko stort problem i det daglige, men det kan gjere sekretærarbeidet mitt litt infløkt. Eg må sende digitalt det som skal til avisa. Det kan eg gjere frå laptoppen. Men så må eg printe ut same teksten, for å ha den i møteboka, og det er berre den stasjonære maskina som er kopla til printeren. Eg skal innrømme at eg ikkje er nokon teknisk begavelse, så eg vil ikkje begynne å rote med å reparere utan kyndig rettleiing.

No skal eg steike ein pizza som vi kjøpte på Coop i dag. Lenge sidan sist vi hadde slik mat.

Seinare: Har fått telefonhjelp frå Rasmus, så no er dataen fiksa. Feilen var at eg ikkje hadde endra adressa for utsending av post til tussa.com etter omlegginga. g-mailkontoen har virka normalt heile tida.

Vermelding 11.januar - 2012

2012-01-11T13:30:00.001+01:00

Klokka er snart 13.30. Bildet tok eg for vel ein time sidan - det er ikkje så fint ute no. Det blæs og det regnar, men det er altså bygever. Temperaturen er + 4 grader C. Mykje ruskever denne vinteren, etter to fine, kalde vintrar. Så spørs det-vil vi ha kulde eller ruskever? Godt vi slepp å velje i grunnen.

Vi var godt fornøgde i går då vi hadde fått i orden telefon og internett, men seint på kveld var vi utan nett igjen. Avtalen var at Nils skulle ringe Helge om dette skjedde og det gjorde han i dag tidlig. Det kom ein kar og reparerte, så no virkar det igjen. Men viss det no dett ut igjen, må det vere feil på ledningane som kjem inn utanfrå, sa han. Får inderlig håpe at så ikkje skjer.

No sit eg i grunnen ferdigpynta og skal i "selskap" til ei veninne. Vi er fem damer, derav fire pensjonistar, som skal møtast til føremiddagskaffi hos den eine. Alle fem jobba vi i lag på Velle skule i si tid.Det kan vel bli litt mimring, men vi har no anna å snakke om også. Det blir sikkert kjekt.

Nils begynte å egne liner i går, men det kan no drøye før han får lagt dei ut, om ikkje veret betrar seg. Det var tordenver i går kveld, og visstnok også i dag tidlig, men då sov eg på mitt grøne øyre. Det skal litt til å vekke meg på den tida.

Dei siste to-tre åre har eg nesten ikkje brukt tørketrommelen, men det har eg gjort denne hausten og vinteren.

Vermelding 10.januar 2012

2012-01-10T16:32:00.000+01:00

Klokka er snart 16.30, temperaturen er +4 grader, det er overskya, og is på vegane.
Helge har nettopp vore her med ein ny "boks" frå Tussa og kopla til telefon og data, etter at vi har vore utan samband i over eit døgn. Derfor var der inga "vermelding" frå meg i går. Veret i går var om lag som i dag, men vi hadde hyggelig besøk av Margrete og ungane, og då var ikkje veret så viktig. Bildet er frå middagsmåltidet. Vi hadde julepynten framme i går, men i dag vart det ein brå slutt på jula. No er alle raude lys, og anna pynt som kan minne om jul,fjerna og sett vekk - til neste jul.
Fekk ikkje gjort stort anna på føremiddagen i dag enn å rydde, stryke gardiner og vaske klede. Til middag hadde vi restar frå i går- eg har ein uvane med å lage til meir enn rikelig. Menyen var svinesteik og medisterkaker.
No skal Nils ein tur opp til naboen, som er komen heim frå sjukehuset, og eg skal lese litt i den nye boka eg har begynt på. Det er godt å vere on line igjen!

Bok nr. 1 - 2012:Gravlunden i Praha.

2012-01-08T20:13:00.000+01:00

De kan lese om boka her

Eg har slite meg gjennom denne boka utan å få skikkelig "tak" på den før no på slutten. Noko av grunnen er at eg først i dag tok meg tid til å lese mykje, og det gjorde susen.

La det vere sagt med ein gong, denne boka egnar seg ikkje spesielt godt å lese som lydbok, og det er fleire grunnar til det. Her er fleire forteljestemmer, brev, dagbøker etc. og fortellinga hoppar i tid og rom. Så er her fryktelig mange namn og personar, og sidan det meste av historia foregår i Frankrike, er dei fleste namna franske. Her er også ein del franske og latinske sitat som eg ikkje heilt får taket på.

Eg fekk liksom ikkje så mange "bilde" å halde meg til heller, sidan mykje av boka består av samtalar. Dei som er litt betre kjende enn eg med Europeisk historie frå ca 1880 og framover har ein fordel. Det gjeld særlig fransk historie. Eg veit ikkje kva som er "sant" eller ikkje, men eg kjende i alle fall att Dreyfus-saka. Dei som vil lese boka gjer lurt i å lese litt på nettet først, det gjorde ikkje eg. Ser ikkje bort frå at eg kan komme til å lese boka om att etter å ha drive litt research.

Dei fleste har vel lese "Rosens navn" av samme forfattar, eller i alle fall sett filmen. Forfattaren skriv godt og har det eg kallar eit "elegant" språk. Men trur de ikkje at eg gikk glipp av siste sekunda? Det har vore ein feil på plata!

Vermelding 8.januar - 2012

2012-01-08T15:05:00.000+01:00

Klokka er ca.15.00. Temperaturen ute er minus 4 grader, det er nesten klårt, og nydelig ver. Nils har vore ute og gått ein tur, men han frårådde meg å gå ut utan broddar, og dei eg har er ikkje gode. Han vart vel litt skræmt å går då han var eit ærend på nærbutikken. Då var det ei dame som datt midt på golvet og braut både handa og foten. Det var litt vått på golvet, men ho kan no ha hatt litt sprø bein også. Eg datt fram i setrevegane tidlig i veka, og slo meg ikkje eingong, enda det var is på vegen.
No har vi nettopp ete middag - i dag vart det "luksus-fiskesuppe", sidan vi skal ha kjøt i morgon når Margrete og ungane kjem på besøk. Eg laga som vanlig altfor mykje, og som vanlig åt vi opp alt i hop. Fiskesuppe egnar seg ikkje så godt å varme opp. Så no gjeld det berre å halde seg våken utover ettermiddagen......Det kan by på visse problem. Nils ser sport på TV, så eg har ein sjanse til å bli ferdig med boka mi, når eg strikkar eller legg kabal langs med skal eg ikkje somne, teoretisk sett.
Håper at andre er flinkare enn eg til å komme seg ut og nyte fineveret.
Bildet over er tatt kl.12.15-sola nærmar seg litt for kvar dag.

Vermelding 7.januar - 2012

2012-01-07T13:52:00.000+01:00

Klokka er snart 14.00. Ute er det regn og slapseføre, skikkelig grisever, og +2 grader C. Men Nils meiner at det er betre enn kulde. Ja, i alle fall når ein er inne.
Vi har vore såpass mykje på rek denne veka, at vi kutta ut sentrumsturen i dag. Nils var nedover eit lite ærend, mens eg bytte på sengane og vaska soverommet. No skal eg snart lage middag. I dag blir det heimelaga fiskepudding i kvit saus med litt reker i.
På bildet kan de sjå "fuglemataren" til Nils- eiga oppfinning. Det er ei plastkanne der han har laga hol i botnen. Han har hengt den opp på denne måten for at ikkje kråke og skjor skal stikke av med maten.

Vermelding 6.januar 2012

2012-01-06T15:48:00.000+01:00

Klokka er 15.30, temperaturen er + 2grader C og det er overskya, med innslag av sludd og regn. Det hadde kome litt snø i natt, men ikkje meir enn Nils kosta vekk med brettet.
Eg driv og ryddar litt her og der, men det er vel berre eg som ser det. Fann ut at vi måtte ein tur til Vik, var innom Europris og Amfi, men rakk ikkje biblioteket. Hadde gløymt at dei stenger klokka 14.00 fredag og laurdag.
No har vi ete middag. I dag vart det spaghetti; må skrive det, slik at de ikkje trur at vi et fisk kvar dag.
I dag er det "13. dag jul" - heilt utrulig kor fort tida går. Skulle visst ha rydda vekk julepynten, har no plukka litt over i kassene. Har ikkje så veldig mykje pynt, så det skal vere fort gjort. Kjøpte eit par ildtoppar i dag, så det ikkje skal bli så fargelaust når julepynten forsvinn. Primula finst no i alle verdens fargar, men det får vente litt, dei står så kort tid i stuevarmen.
Ønsker alle ei fin og koselig helg, med eller utan julepynt. Det er noko som heiter 20.dag også, då kjem det visst ein som heiter "20.dags-Knut" og jagar jula ut.

Vermelding 5. januar - 2012

2012-01-05T12:57:00.000+01:00

Klokka er snart 13.00. Ute er det nydelig, lettskya ver med sol i fjella; ho nærmar seg litt for kvar dag, den 18.jan. skal ho skine inn i stova vår. Men det kjem no litt an på veret. Temperaturen er mellom 1-2 minus. Men bilen som stod ute, var heilt nedefrosen. Vi kan trygt seie at vi har skiftande ver her.

Eg har brukt føremiddagen til å ta "fredagsvasken"- så er det gjort til helga.

Nils har drive på ute i garasjen og reparert slipemaskina, og så held han på og tinar opp bilen.

Her har kome litt snø på vegen, som har frose til, men sparkføre veit eg ikkje om det er. Skulle hatt lyst ein tur opp i skogsvegane og sett på alle trea som har falle ned, der ser visst fælt ut, men eg veit ikkje om eg har heilt godt av å gå så langt.

Eg har ikkje rydda ut jula, men ser ikkje bort frå at det kan skje noko i løpet av helga. Når det blir så lyst ute, er ikkje julepynten så sjarmerande.

Bildet er teke klokka 12.15.

Vermelding 4. januar - 2012.

2012-01-04T14:26:00.001+01:00

Klokka er 14.20. I dag har vi hatt både vind, regn og hagl, men no er det litt lysare ut; Temperaturen + 2-3 grader C.

Veret i dag var lite egna til å gå tur, dessutan har eg vondt i hofta etter gårsdagens trim, så vi fann ut at vi kunne ta ein tur på Amfi og sjå om der var noko liv. Vi hadde eit par småærend også. Dessutan var eg innom biblio, utan å finne noko nytt, eg slit litt med "Gravlunden i Praha"-men har eg klart der første seks platene, skal eg vel klare dei neste seks også.

Eg var innom fleire butikkar for å prøve å finne eit skjerf til den nye genseren, og hadde for såvidt gitt opp, då eg fann eit som passa perfekt. På Glitter. Nils kjøpte seg to kvardagsbukser på Dressmann.Så står det berre att å kvitte eit par gamle!?

På bilda kan de sjå kor Dagmar har rota til i området mellom Amfi og sjøen.

No skal vi ete lunsj, med røykelaks etc.

Vermelding 3.januar 2012

2012-01-03T14:07:00.003+01:00

Klokka er 14.00, temperaturen er + 3 grader, og det er fint lettskya ver.
Inspirert av bildet som Gry hadde lagt ut på FB i går, fekk vi lyst å ta ein tur fram i vegen som går til Vallasetra og sjå på øydeleggingane. Vi køyrde fram til grinda i Nupen og gjekk framover. Der trefte vi ein pensjonist som heldt på å sage opp velta grantre. Og dei var det nok av. Det var tydelig at folk hadde vore og rydda langs vegen.Kjem nok vel med at mange har fått boka om VED til jul.
Det vi ikkje var budde på, var at vegen stadvis var veldig isete og glatt, så vi måtte snu før vi hadde tenkt. Eg datt EIN gong, men slo meg ikkje. Vi kom såleis ikkje heilt fram dit som Gry hadde vore i går, så vi gjekk glipp av det mest dramatiske.Eg likar veldig godt å komme ut i naturen når det ikkje er lauv på trea, for då ser eg så mykje meir enn elles. Denne vegen gikk vi ofte før, men no er det mange år sidan sist eg var der.Som de ser er det grana som minst toler sterk vind. Det var Solveig som minte meg på at grana ikkje høyrer heime på Vestlandet. På skulen lærte vi at det er berre ein naturlig granskog på Vestlandet og den er på Voss - ikkje kysten akkurat. Det er altså ei flause å plante gran på kysten.
Før vi tok turen, steikte eg ferdig sei og sette i steikomnen, og mandelpotetene treng ikkje meir enn 15-20 min., så no er det snart middag.
I dag gratulerer vi Arne på Kongsberg med dagen. Håper det står bra til i Bjørnevegen?

Vermelding 2. januar - 2012

2012-01-02T14:27:00.001+01:00

Klokka har passert 14.00, det er overskya, opphaldsver og +4 grader C.

Så var vi tilbake til kvardagen, og det likar eg i grunnen best, særlig sidan vi kan halde fram med å ha "ferie" resten av året også.

Føremiddagen i dag gikk mykje med til telefonsamtalar og datainnlegg av ymse slag. Vi driv og skal seie opp andre avtalar for telefon, data og TV, sidan vi etter kvart går over til Tussa fiber. Det er eit heilt puslespel å få alt på plass. Er spent på korleis overgangen blir. Det flyt med skjema over alt i heimen. Til slutt måtte vi bort på Tussa-kontoret så Nils fekk snakke med dei ansikt til ansikt, etter å ha site i det uendelige i telefonen og høyrt på musikk. Eg nytta høvet til å stikke innom El-kjøp og sikre meg batteri til radioen i tilfelle lyset skulle gå igjen. Ja, og så kjøpte vi kaffi sjølvsagt - "Løfbergs lila".

Då var det i grunnen ikkje så langt igjen til Volda, så det blei ein tur dit. Eg synest alle genserane mine er for kalde, med unntak av ein lilla som eg kjøpte sist haust. Var innom Møre Konfeksjon for å sjå om dei hadde varme genserar på sal. Kjøpte faktisk ein til same sort som eg hadde, men i ein annan farge. For den første betalte eg 699kr for den andre 299kr. Ikkje lurt å kjøpe klede før jul.

Hadde tenkt meg innom Plantasjen; der var stengt på grunn av vareteljing, men vi var inn på Coop sidan vi første var der borte. Fann no såpass opp i korga at det var skamlaust.

Over alt der vi ferdast, ser vi tre som har brotna eller knekt. Rart det ikkje har gått verre når eg ser kor mange det er som har store tre nær husa sine. Naboen vår har ein nokså stor sypress som han vil ta bort, det er den de ser på bildet.

No skal vi ete middag, det blir restar frå nyttårsafta i dag.

Elles har eg gitt meg i kast med ei bok som eg trur kjem til å ta tid: "Gravlunden i Praha" - av Umberto Eco. Ikkje alle bøker passar like godt som lydbok, men eg har i alle fall kome gjennom dei to første platene av 12.

Vermelding 1.januar 2012

2012-01-01T14:47:00.002+01:00

Klokka har passert 14.30 og TV-en står og masar om hopprenn utan at eg bryr meg. Ute er det opplett og +5-6 grader. Mykje folk har gått forbi på vegen i dag, det er fint turver. Og kva gjer eg? Jau, eg fekk eit anfall av energi, så eg fekk vaska stuevindua, såpass vi ser ut. Eg vaska med Zalo-vatn og mopp, Nils skylte med reint, kaldt vatn. Heile operasjonen tok mindre enn 10 min. Så gikk eg løs og laga to fiskepuddingar, veit ikkje kor vellykka det prosjektet var. To rører med fiskekaker vart det også. Alt laga med foodprosessor i dag. Føler meg litt tryggare på resultatet når eg brukar miksaren og rører på vanlig måte. Fiskematen burde absolutt bli god, sidan dei siste fløteskvettane blei med i rørene.Rasmus ringde midt i prosessen, og vi hadde oss ein lengre prat. No skal vi ete fiskekaker på årets første dag. Fjorden ligg blank som ein spegel i dag, men eg har ikkje høyrt noko om fisketur.

Eg ønsker og håper at det nye året skal by på mange gleder og få sorger for oss alle. Takk for all kontakt gjennom gamleåret! Eg kjem nok til å halde fram med dei daglege epistlane på bloggen, så vi møtest her.

I dag kan vi gratulere nyttårsbarnet, Magnus, på Eid, med 17 årsdagen!

Dikt ved årsskifte.

2011-12-31T22:07:00.000+01:00

Det er den draumen.

Det er den draumen me ber på

at noko vedunderleg skal skje,

at det må skje-

at tidi skal opna seg,

at hjarta skal opna seg,

at dører skal opna seg,

at kjeldor skal springa-

at draumen skal opna seg,

at me ei morgonstund skal glida inn

på ein våg me ikkje har visst um.

Olav H. Hauge.

Bok nr.72 - 2011: Tredve dager i Sandefjord.

2011-12-31T18:00:00.002+01:00

Tordis er dramatikar, ho skriv for scena, har gått på Universitetet og studert. Ho er kanskje litt snobbete, og litt åndssnobb. Men ho er ikkje alltid like lur, og ho har eit lite alkoholproblem. Ein kveld tek ho bilen til kiosken for å kjøpe røyk, enda ho eigentlig ikkje røyker, og blir blanda inn i ei bilulykke. Det viser seg at ho har svært høg promille. Ho misser sertifikatet for tre år, må betale bot, og i tillegg sone 30 dagar i eit kvinnefengsel i Sandefjord.

Fengselet har såkalla open soning, og dei som er der, sit inne for mindre brotsverk. Dei får gå relativt fritt innafor området, dei strikkar og syr, vaskar og lagar mat. Her kjem Tordis i lag med folk som har ein heilt annan bakgrunn enn ho sjølv, dei fleste er narkomane.

Eg hadde ikkje store forventningar til denne boka, men faktisk likte eg den godt.Den er lettlesen og enkel, men ikkje banal. Forfattaren skildrar livet i fengselet med både humor, ironi og lett samfunnskritikk. Personane blir skildra med varme og forståing. Det mest interessante er likevel dei tankane og refleksjonane ho gjer seg sjølv. Tankar som eg også godt kunne ha tenkt. Sidan hovudpesonen heiter Tordis og er forfattar, og sidan ho drøymer om ein skada hjort i siste kapittel i boka, lurer eg sterkt på om ikkje dette i bunn og grunn er sjølvopplevd.

Les gjerne denne boka.

Frå nettet:For to år siden ble forfatteren Vigdis Hjort tatt for fyllekjøring. Hun hadde 2,2 i promille, noe som kostet dyrt. Hun fikk en bot på 50.000,- og ble i dømt 30 dager i fengsel. Soningen foregikk i Sandefjord, og Vigdis Hjort har – nesten som vanlig – flettet erfaringene inn i en bok.

Vermelding 30.desember 2011

2011-12-31T13:46:00.001+01:00

Klokka er 13.30, temperaturen ute er 0 grader C, og det er overskya opphaldsver. Sidan det er kvitt på markene, har ein kjensle av at det faktisk er vinter og nyttår.

Når ein begynner å dra på åra, synest ein i grunnen at julene kjem for ofte, like eins nyttår og fødselsdagar. Ein får lyst å sette bremse på tida, så den ikkje skal gå så altfor fort. I barndommen og ungdommen var det heilt motsett, då var det ei æve frå helg til helg.

Dette har vore eit år utan dei HEILT store hendingar på det private plan, og det er i grunnen heilt greitt. Dersom ein ser på alt som har skjedd i landet, for ikkje snakke om verda, så er situasjonen ein annan. Vi er heldige som bur i eit fredelig hjørne av kloden, i alle fall så langt. Dei største krisene her i Ørsta på førejulsvinteren, var SMØR-krisa og STORMEN, den sistnemnde noko alvorligare enn den første.

Nils og eg skal feire nyttårsaftan for oss sjølve, og det har vi ingen ting imot.Vi er så sosiale som vi vil vere, og har ingen ting imot å kose oss med god mat og TV på nyårskvelden.

I år, som alle år, har eg fått ny dagbok som eg skriv i kvar kveld. Rasmus har tatt på seg ansvaret for å kjøpe den til meg. Der skriv eg om viktige og mindre viktige hendingar, og desse bøkene har hjelpt oss meir enn ein gong når vi ikkje hugsar verken tid eller stad når det gjeld diverse reiser, innkjøp etc. Hukommelsen er ikkje å lite på lenger. I tillegg kjem eg vel til å halde fram med blogginga, så då har eg back-up på det meste.

Eg har også hatt for vane og kåre årets bok. I år har eg ikkje tenkt så mykje på det, men trur kanskje at Gaute Heivoll si bok "Før jeg brenner ned" er den boka som har gjort sterkast inntrykk.

Så står det berre att og ønske alle ein fin nyttårskveld og alt godt i det nye året.

GODT NYTT ÅR 2012!

Vermelding 30.desember 2011

2011-12-30T15:24:00.000+01:00

Klokka er15.10, veret er lettskya og fint. Temperaturen er minus 2 grader, så vi kan ikkje klage på noko.

Nils var relativt tidlig oppe i dag, for å styre med fisk etc. Og eg ville til Vik. Ikkje for å handle mat, men for å komme ut dørene og treffe litt folk. Det var ingen ting vi hadde behov for å handle, men på Amfi trefte vi mykje kjentfolk som vi prata med både vel og lenge.Vi trefte eit par som vi gjerne ville prate meir med, og avtalte møte på nye Føniks. Der var stappfullt, men vi fekk oss bord i lag med nokre andre som vi også kjende. Den nye kaffibaren var fin og koselig, men med ein akkustikk som var heilt forferdelig. Det var ikkje berre eg og tinnitusen som reagerte på den. Der må dei nok til med eit eller anna støydempande.Utrulig mykje folk ute i dag, det har vel med det å gjere at mange er fri og har lyst ut og treffe folk.

Vi er invitert til naboane til kaffi i 18-tida, så dette blir ein særdeles sosial dag.

Skulle sikkert ha pussa stuevindua, dei ser ikkje ut. Men no er det litt for kaldt.

Då vi for nedover var trafikken omdirigert, der hadde vore kollisjon i Rå-krysset. Trur annankvar ørsting har vore ute for noko akkurat der, så det er heilt utrulig at ikkje noko blir gjort. Veit ikkje kor alvorlig det var, men såg i alle fall ambulansen.Der hadde visst vore helikopter også. Eg får sjekke Sumpen.

Vermelding 29.desember 2011

2011-12-29T14:03:00.001+01:00

Bildet er tatt klokka 14.00.

Klokka er 15.00, temperaturen + 3-4 grader C. Det er overskya, skodde og regn. Vi har nettopp ete fersk sei til middag, med Tine smør setertype. Det smakte godt etter all kjøtmaten.Nils for på sjøen i dag før eg var vaken, og kom heim i 13-tida. Då hadde han fått nok fisk. Det skal sløyast og filiterast også, så det gjeld å ikkje fiske for mykje om gongen.

Sjølv blir eg veldig energisk og flink når eg er heime åleine. I dag har eg gjort grundig reint på kjøkken og bad, vaska og rydda kjøleskapet og støvsuga stova og gangane. Det var eit visst behov, for å seie det slik. Etterpå shina eg opp meg sjølv og vaska håret. Ikkje mindre behov for det, når sant skal seiast.

Som de ser på bildet har vi grøn jul, veldig ulikt slik som det var i fjor og året før der. No skal vi slappe av litt før det blir kaffi. Håper at alle etter kvart får att både straum, nett, TV og vatn.

Vermeldig 28.desember - 2011

2011-12-28T18:05:00.000+01:00

Klokka er no 18.00. Ute er det mørkt, overskya og + 5 grader. Heilt ordinært ver med andre ord, og heilt vindfritt, trur eg. Har ikkje vore ute for ei dør i dag.
Før middag gjorde eg litt husarbeid; la i hop ein klesvask, strauk, rydda m.m.
Margrete og ungane har vore i Volda sidan i går f.m. sidan dei var utan både lys og vatn i Nautvika. Dessutan skulle Margrete og Ingeborg på "Rokken" og høyre på Lars og 80-talsbandet hans "Broad line". Eirik var for ung, men fekk vere med faren og rigge.
Akkurat i dei tide eg hadde begynt å lure på kva vi skulle ha til middag i dag, sende Margrete ei melding og spurde om dei kunne komme på besøk, sidan det ikkje var særlig fristande å fare heim til vasslaust og straumlaust hus.Dei vart sjølvsagt invitert til middag. Av overskotslageret mitt fann eg fram medisterpølser og sousisser, surkål m.m. Til forrett vart det broccolisuppe, noko som fall særlig godt i smak hos dei to yngste.
Dei reiste herifrå for ei stund sidan, i den tru at dei hadde straum heime, men no fekk eg melding om at der framleis var straumlaust. På Bjørneset derimot er det straum, så no for dei dit. Ikkje særlig kjekt å vere klimaflyktning mykje av juleferien.
Ein fordel i bu i meir tettbygde strok - på meir enn ein måte.
I morgon trur eg at eg må på butikk, elles kan eg få abstinens.

Bok nr 71- 2011: Du skal elske lyset.

2011-12-27T14:57:00.000+01:00

Tittelen på denne boka, passar bra i desse dagar.

Dette er den tredje boka eg les av denne forfattare. Før har eg lese "Gulldronning, perledronning" og "Mors bok". Eg likte ingen av desse bøkene særlig godt.

Denne boka tykte eg var mindre søtladen og sentimental enn dei første to, men slutten øydela mykje.

Boka handlar om den gamle dama, Alva, som frotel livshistoria si til eit lite barn. Den første tida i barndommen levde Alva eit lykkelig liv saman med mor, far og lillesøster.Særlig er Alva knytt til faren, som fortel all slags spennande og artige eventyr. Så dør faren, og mora flyttar med dei to små døtrene sine, heim til foreldra, som bur på ein gard. Bestefar til Alva, og dermed heile familien, høyrer til ei slags dissentermenigheit der det meste er synd, og Alva har ei vond tid. Det er mange måtar å mishandle barn på. Lyspunktet i tilværet er bestemora og ein som ho kallar "Vakkermannen". Boka har mange henvisningar til eventyr og dikt og til Bibelen. Dette blir ein slags motpolar i livet til Alva, som blir oppseda i "Herrens tukt og formaning". Dei valde sitata frå Bibelen gjer at den virkar både vond og dyster; på slutten av boka dreg ho fram meir positive element i boka.

Alt i alt er eg ikkje overdrive begeistra for boka, men somme sekvensar er bra. Mot slutten gjekk det veldig fort, men det var vel særlig barndommen ho ville skildre?

Vermelding 27.desember 2011

2011-12-27T13:20:00.000+01:00

Klokka er no 13.00. Temperaturen er + 4 grader, og vinden ikkje så sterk som før, men mykje kaldare.

Vi har hatt oss ein tur for å sjå etter ev.øydeleggingar etter stormen. Mange tre har velta, særlig grantre, men også innrotne bjørker. Håper at dei som "eig" tre og skog får rydda opp i det versta, og saga ned det som er for stort eller for gammalt, eller for mykje.

Hamna på Rjåneset låg så stille og rolig som eit stovegolv, og båten vår hadde ikkje lide overlast.Det pjaska og bles utanfor moloen, men det har nok vore verre før, det såg vi på alle småsteinane som var komne opp på vegen.

Den verste øydelegginga denne gongen, her i Ørsta, er at den gamle kommunekaia nedanfor Ørsta bruk og Kaihuset er fullstendig smadra. Med tanke på utflytta ørstingar legg eg ut mange bilde av den. Det er lenge sidan denne kaia har vore i bruk, men heilt til for 40-50 år sidan(?) gjekk det rutarbåtar her, til Ålesund t.d. No var det i grunnen like godt den forsvann, for der var langt frå trygt å ferdast.

I Nautvika hos Margrete hadde dei verken lys eller vatn i dag heller, så i dag er dei i Volda hos Ingeborg og besteforeldra.Lars og bandet hans skal spele på "Rokken" i kveld. Billettane er selde for lengst.

Nils og eg har det lettvint i dag, rikelig med restar frå i går.

Utanfor Ørsta bruk står snøfresarane på rekke og rad. Vi var budde på ein kald og snørik vinter, slik vi har hatt dei to siste åra. Men sjå kva vi fekk!

Vermelding 26.desember 2011

2011-12-26T19:59:00.000+01:00

Klokka er 19.45, og eg høyrer at ein ny storm er i kjømda. Ute regnar det, og temperaturen er + 10 grader.

Denne julehelga vart veret meir dramatisk enn vi likar det. Ikkje at eg er så bekymra for min eigen del, føler meg relativt trygg. No har vi både straum, telefon og internett, så det går bra. I går kveld var vi utan straum frå ca klokka 19.30, men klokka 2 om natta fekk vi den tilbake. Dermed vart det tradisjonelt treff med jentene m/ fam. i dag. Margrete var utan straum i gårkveld og i natt, og då har dei heller ikkje vatn, sidan dei har el-vasspumpe. På Bjørnaset hos Lars har halve taket blese av løa, leikarhuset var smadra, men huset står.

No fekk eg nettopp melding frå Margrete om at dei er heime i Nautvika att, der det framleis vantar både lys og vatn- og ti grader i huset. Solveig sende melding frå Hareid, der er dei utan lys.Og her sit vi og har både lys og varme og TV-i alle fall enno.

Eg har vore frampå før og snakka om store tre i små hagar. Eit digert lerketre rotvelta i går kveld i ein hage i Starevegen. Heldigvis vart det ikkje skade verken på hus eller folk. Ved Helgehorntunnelen på veg til Hareid, hadde vinden knekt store grantre som fyrstikker. Her som vi bur, tek ikkje vinden så hardt som nede i Vik, så her er det ikkje gale enno. Såg frå Eid på TV-det var skræmande å sjå. Det som er spennande for oss no, er om båten har klart seg.Det er lenge, lenge sidan vi har hatt slikt ver her hos oss.Nyttårsstormen i -92 var nok sterkare, men den var over på 3-4 timar. Eg vakna ikkje før det var slutt. Lyset blinkar litt innimellom, så heilt trygt er det ikkje.

Vermelding 25.desember 2011

2011-12-25T15:33:00.000+01:00

Klokka er 15.30, temperaturen er+5 grader; det regnar og blæs litt, og det er nesten mørkt ute.
Men inne har vi det både lyst, tørt og varmt, så det er ingen ting som står på.Nils var ute og såg etter båten, men her har det ikkje blese så mykje, i alle fall ikkje enno. No er middagen ferdig. Nils og eg skal kose oss med svineribbe i dag, sjå på julegåvene, lese litt og sjå TV. I morgon får vi besøk, så vi slepp å kjede oss. Fortsatt god jul til alle.

Julaftan på Hareid.

2011-12-25T11:00:00.000+01:00

I år som i fjor feira vi jul på Hareid. No når vi kan køyre heim att gjennom tunnelen er det ikkje så mykje styr som før, då vi måtte overnatte.

I år såg vi eksta fram til å sjå og høyre att "Jens prest" som var prest i Ørsta då Solveig og Rasmus vart konfirmerte. Jens var den gode gamle og gjorde julaftan- preika til noko spesielt. Etterpå helste vi på han utanfor kyrkja. Eg trur han sette pris på at kyrkja var fullsett og at folk støttar opp om han etter alt han har vore utsett for.

Så var vi resten av kvelden hos Solveig med familie, dei var fulltallige sidan det to eldste også var heime. Vi fekk nydelig julemat, og så var det gåveutdeling som varte i timesvis. Trur ikkje at det er mange som har så stor gåvehaug. Ikkje berre dei vaksne men også barna kjøper gåver til alle, og når ein er 8 personar, så kan ein opphøge i andre potens +++ Alle fekk mykje fint som dei vart glade for. Olaug fekk mellom anna ein stor tung rokkering som måtte prøvast. Det viste seg at Solveig ikkje hadde gløymt gamle kunstar, men meisteren var faktisk Håkon.

Strykebrettet i bakgrunnen betyr ikkje at Solveig ikkje vart ferdig stroken til jul.Det var ei av julegåvene til Einar som no bur for seg sjølv.

Eg vil ikkje nemne julegåver vi fekk, sidan eg ikkje kan nemne alle, berre seie at vi fekk altfor mykje, og alt var fint.

Etter gåveutdelinga var det dessertar og kaffi. Og så måtte vi prøve eit quiz-spel som einkvan hadde fått i gåve.Audun var programleiar, og vi vart delt i tre laget. Laget mitt som bestod av Einar og meg vann sjølvsagt. Einar er jo stadig med på quiz-konkurransar på Hareid og i Ulsteinvik, så eg var heldig med makkeren min.

Då vi køyrde heimover etter midnatt, var det begynt å blåse, men temperaturen var + 7. Litt skilnad frå i fjor då vi køyrde heimover i 18 minusgrader.

Vi hadde ein fin julekveld og takkar vertskapet for det.

Vermelding 24.desember - 2011

2011-12-24T10:53:00.004+01:00

Klokka går mot 11 på sjølvaste julaftan. Veret er lettskya og fint, men det er bra fart i skyene over Melshornet, noko som kanskje er eit forvarsel på stormen som skal kome. Temperaturen er + 1 grad.Det er nokså mykje annleis enn julaftan i fjor, då var det minus 18 grader på HAREID, og meir snø enn i dag.

I dag har eg ikkje mykje å gjere, skal berre pynte meg til vi skal reise utover til Hareid, der vi skal møte opp i kyrkja klokka 14.30. Det er den mykje omtala "Jens prest" som skal halde julepreika der i dag, og det ser vi fram til. Han var prest her i Ørsta då Solveig og Rasmus vart konfirmerte, og han var veldig godt likt. Og så er det ein ting til; hareidsdølene er kjende for at alle syng i kor, derfor er salmesongen der i bygda litt ut om det vanlige.

Nils har vaska bilen, og no driv han og sikrar alt som er laust på altanen, i påvente av stormen "Bent".

Då vil eg ønske alle som er innom bloggen ein fin julekveld. Akkurat det har eg vel gjort før, men det skader vel ikkje å gjere det ein gong til. Slike dagar/kveldar tenkjer eg på alle -slekt og venner her i landet og i andre land.

Har nettopp snakka med Rasmus i telefonen, og dei har det bra.

God jul

Vermelding 23.desember 2011

2011-12-23T13:59:00.001+01:00

Klokka er 14.00, temperaturen er + 6 grader C.Det er overskya, litt vind og regn innimellom.

Vi har vore ein tur til Vik og handla meir mat, no har vi snart såpass at vi klarer oss eit par dagar. Då vi kom heim, hadde nokon vore her med denne nydelige buketten i kvitt og sølv.

Så står det berre att å ønske alle blogglesarane ei god jul og eit godt nytt år!

Håper at alle får høve til å slappe av og kose seg desse dagane. Nils og eg skal til Hareid julekvelden, og 2.dag kjem barn og barnebarn hit.

Vermelding 22.desember 2011

2011-12-22T13:43:00.001+01:00

Klokka er no ca 13.30. Ute er det overskya, opphaldsver og + 5 grader C. Det er fint ver, men eg tvilar på om det varer. Når ein held seg inne for det meste, har ikkje veret så veldig mykje å seie, men eg skal innrømme at eg synest det er godt å sleppe sprengkulden.
I dag har eg brukt føremiddagen til å støvsuge ekstra grundig; golvvasken tek eg i morgon. Nils har vore ein tur på butikken, og så har han kokt ertersuppe som vi skal ha når Margrete kjem innom utpå dagen.(Ja, eg hjelpte til med å kutte opp grønsakene, så er det sagt.) No skal eg ha meg ei lita stund på sofaen. Ryggen min er ikkje heilt god for tida, men det plar hjelpe å ligge strak ut ei stund.
Vi stressar ikkje før jul i år, det er begrensa kor mykje ein må førebu for eit par ekstra helgedagar.

Vermelding 21.desember - 2011

2011-12-21T13:35:00.001+01:00

Klokka er no13.15.Temperaturen er minus 1 grad og det er lettskya, fint ver. Det øvste bildet er teke frå altanen vår i 10-11-tida, det nedste frå parkeringsplassen ved Amfi ca 12.30. Der ser vi godt kor langt ned sola rekk, men no kjem ho nærmare oss for kvar dag.Eg har sjekka på data, og funne ut at sola skal snu i morgon tidlig klokka 5.30. Tidspunktet for "solsnu" varierer frå år til år.

I dag tok vi oss ei runde og handla mat, først på Rema 1000, og etterpå på Euro-Spar. Lenge sidan eg har vore inn på Spar, der vi alltid handla før, men det var kjekt å vere der igjen. Vi henta også pakken frå Rasmus. Spar har nemlig "post i butikk". No skal vi få på plass all maten, pakke opp kassa frå Rasmus og fordele pakkane på tre familiar. Margrete kjem innom i morgon og hentar sine, resten blir med til Hareid julafta.

Dessverre skal det visst kome regn og mildver til jul,det har alt begynt å skye over, hadde vore kjekt om vi kunne fått hatt det slik som det har vore siste dagane.

Her i huset er det ikkje antydning til stress. Skal vaske og støvsuge og pynte litt.Det er alt som står att.

Bok nr.70 -2011: En lykkelig mann.

2011-12-21T11:01:00.001+01:00

Likar ein bøkene til Arto Paasilinna, så likar ein alle. Denne er kanskje ikkje så HYSTERISK morsom, men den er meir slik småkoselig morsom.Det er ei lita og kort bok,på 4 CD-plater, som eg las ut på senga før eg stod opp i dag tidlig.

Vermelding 20.desember 2011

2011-12-20T17:45:00.001+01:00

Klokka har passert 17.30 og det er heilt mørkt ute; men no snur sola snart, og vi kan sjå fram til at dagane vert lysare og lengre. I dag har det vore fint, lettskya ver, og no er det minus 1 grad.
Det er ei skam at eg ikkje har vore ut for døra. Føremiddagen gikk fort. Jobba litt på kjøkkenet, og så skreiv eg eit relativt langt julebrev til dei som ikkje er så ofte inn på bloggen. Veit at ikkje alle er så begeistra for databrev til jul, men sjølv meiner eg at det i alle fall er betre enn eit "God jul, godt nytt år"-kort.
Til middag i dag grov vi fram nokre restar frå frysaren.
Eg vart så elendig i ryggen at eg la meg på sofaen, og dermed somna eg med Paasilinna på øyret. Og ryggen vart bra.
No har vi pakka resten av julegåvene. Vi har sikkert gløymt eit kvart.Men lid nokon urett, får vi ordne det opp i løpet av neste år.
Matvarer får vi handle i morgon og torsdag, fredag skal eg vaske og rydde. Så er det eit par-tre dagar så er det kvardag igjen.

Vermelding 19.desember - 2011

2011-12-19T15:53:00.003+01:00

Klokka er snart 16, temperaturen er minus 1 grad og det held på å klårne opp ute.Bildet er tatt for 2-3 timar sidan, før vi for nedover til Vik.
Før middag var Nils til frisør og fekk klipt seg. Eg dreiv og rydda litt; fekk ut adventspynten og begynte så smått å pynte til jul. Eg likar godt å skifte fargar i stova-denne gongen frå lilla til raudt.Elles så er eg ikkje så veldig "pyntete" av meg. "Less is more"- er mitt slagord.
Det var lite folk på butikkane i dag, sidan det hadde vore sundagsope i går. Ærendet mitt i dag var først og fremst å skaffe meg lesestoff til jul; det var dårlig utval på biblioteket i dag, men eg fekk meg ein hyggelig prat med bibliotekaren. Vi er stort sett enige om kva bøker som er gode. Vi skal ha sein middag i dag. Viss vi et tidlig, kjem vi oss ikkje til med noko særlig etterpå. I dag blir det steikt sei, det er ein favoritt.
Klokka 21.
Eg sat på datarommet og rippa bøker og strikka heilt til det var på tide å begynne på middagen.Var akkurat komen i gang med å steike fisk, då det brått slo som eit lyn ned i hovudet mitt: KONSERTEN. Det var i dag Amanda skulle vere med å spele i Ørstakyrkja, men kva tid? Ei rask melding til Margrete- det var klokka 19. OK -klokka var berre 18.00, så vi rakk både å lage middag, ete den, drikke kaffi og komme oss til kyrkje til klokka 19. Vi har vore på mange slike konsertar før, men ikkje i Ørsta. Eg synest det er betre akustikk i Voldakyrkja, men ikkje alle er samde i det. Det som var spesielt i dag var at det var ei overvekt av jenter som spela og det var få feler i høve til det som plar vere. Elles er eg som vanlig imponert over alle dei flinke barna (og lærarane deira). Men eg skulle ønske at dei vaksne hadde vore flinkare å snakke inn i mikrofonen, greitt og tydelig, slik at slike som eg også hadde fått med seg kva dei sa.

Smør til jul

2011-12-19T10:55:00.002+01:00

Det er ikkje smørkrise i heimen. For det første bakar eg ikkje noko som eg treng å ha smør i, og for det andre så HAR eg smør-ekte Tine smør, kjøpt heilt lovlig på Coop. Det einaste eg mangla var litt usalta smør til ein sjokoladeglasur. Men så var det slik at eg hadde ein lite pakke fløyte som var utgått på dato, og då blei freistinga for stor. No skal det seiast at eg har ei viss erfaring med kinning av smør frå den tida eg budde på ein gard i Sunnfjord og kinna kvar mandag. Det vanlige når ein lagar "bondesmør" er å kinne av sur fløyte dvs seterrømme.Rømmen bør stå i romtemperatur. Det smøret blir utrulig godt. Det som overraska meg då eg kinna med handmiksaren i dag, var at det blei så mykje smør.Eg vog smøret, det var 130 gram av 1/3 liter fløyte Har smakt på det og det smakte heilt normalt.
Elles ser de at når eg tek bilde inne i lampelys, blir bilda ofte veldig gule. Har nokon eit godt råd for å unngå det?

Bok nr.69: Maya

2011-12-18T16:13:00.002+01:00

Isabell Allende skuffar sjeldan tilhengerane sine, heller ikkje denne gongen. Det som er annleis med denne boka enn dei eg har lese før, er at hendingane er lagt til vår tid.

Den 19 år gamle Maya er "forvist" til ei øy utanfor kysten av Chile.Ho er nemlig trua av amerikanske forbrytarar som vil ha tak i henne. Bestemora, som har sendt henne til denne øya, har sagt at ho sikkert kjem til å kjede seg der, så ho å ta med seg skrivesaker, slik at ho har noko å fordrive tida med. Og Maya skriv ned historia si, men går ikkje god for at ho held seg heilt til sanninga. Ho har såleis forteljestemma gjennom heile boka. Ho fortel om opphavet sitt, om foreldre og besteforeldre og den store sorga som fekk henne til å miste fotfeste og hamne på skråplanet.

Vil ikke fortelje så mykje om handlinga i boka, for dette er ei bok som mange kjem til å lese. Eg har sjølvsagt lese lydbokversjonen, og Heidi Gjerdmundsen Broch gjer ein god jobb. Ho har ei ung og livlig stemme som kler Maya.

Elles er her eit "bakteppe" av historie, politikk, miljø-og samfunnsskildringar - ei mangfaldig bok, slik vi er vant til å få frå denne forfattaren. Ei relativt enkel historie som kanskje ville verka som ein klisjé- om den ikkje hadde vore så meisterlig fortalt.

Det er mykje å lese om boka på nettet. Men les den heller sjølv.

Vermelding 18.desember - 2011

2011-12-18T12:14:00.002+01:00

Klokka har berre så vidt passert 12.00, men her har vi vore i full sving ei god stund alt; Nils ute og eg inne.Våt, tung snø lavar ned heile tida, så i dag har snøfresaren kome til nytte.Sidan sist den var i bruk, har den fått kjettingar, så eg håper det er til god hjelp.Hadde vore fint, dette veret, om det hadde vore LITT kaldare, no begynner det vel etter kvart å regne, og då veit vi korleis det blir. Temperaturen ligg på ca 0 grader C.

Vermelding 17.desember - 2011

2011-12-17T13:57:00.001+01:00

Klokka er 14.00, temperaturen er +1 grad C og snøen lavar ned. Eg har ikkje særlig mykje imot snø, men dette slapset er eg ikkje begeistra for. Ikkje blir vel snøen liggande heller, sidan det er meldt mildver og regn.

Vi har vore på ei lita handlerunde, og hadde tenkt oss på kafe. Men sidan vi vart både kalde og våte, fann vi ut at vi hadde det betre heime. Så her er vi.Nils driv og skiftar ut det gamle brannslokkingsapparatet som vi har hatt i ørten år.Vi var sjokkerte over prisen på det vi kjøpte i dag. UNDER 200 kr. Eg hadde trudd at det vart ei lita investering.

Elles kan vi i dag gratulere Hans Petter på Eid med dagen.Det blir vel samling av søskenbarn i dag kan eg tenkje meg.Håper alle får ei god og relativt fredelig helg.

Vermelding 16.desember - 2011

2011-12-16T14:21:00.001+01:00

Klokka er ca 14.30. Ute er det fint, lettskya ver; endelig kom sola som yr har drive og meldt om.Ho kjem rett nok ikkje heilt ned til oss, men 18.januar skal vi ha den igjen. Og om vi ikkje ser sola direkte, så blir det i alle fall mykje lysare ute. Og ein får litt meir energi.Det er 0 grader C og glatt og isa på alle vegar, men heldigvis har dei strødd dei fleste stadane.

I dag hadde vi ein koselig start på dagen. Bodil og Svein stakk innom på veg til Ålesund, så vi hadde ein litt sein frokost i lag og fekk prata om eitt og anna før dei reiste vidare.Dei kjem innom på heimvegen også, for å få med seg fisk; Nils driv og fileterer i garasjen. Det blir julegåva i år.

Klokka 16 får vi nytt besøk. Då kjem Margrete og ungane til middag. Margrete og jentene skal på ballettframsyning, og gutane skal vere her i mellomtida. Det er kjekt med besøk i førjulstida-ja, elles også sjølvsagt.

Vi var ein bitteliten tur ned på Amfi, og det er frå parkeringsplassen der eg har tatt bildet.I dag har nevøen vår Roy Morten fødselsdag, og vi gratulerer.

Vermelding 15.desember 2010

2011-12-15T12:37:00.002+01:00

Klokka er 12.30, det er overskya, regn og + 3 grader. Eg er glad til at eg får vere inne, men Nils har hatt seg 2-3 timar på sjøen og fiska sei. Som de ser, fekk han bra fangst. Her er nokre store og mange små. Reknar med at vi skal ha "levende pale" til middag i dag. Jammen bra vi har smør. Det er eit MUST til kokt fisk og flatbrød. Naboane har også blitt orientert, somme av dei likar fersk småsei. Dvs. den eldre generasjonen.

Sjekk de tøffe hua han har på seg! Den har eg strikka for fleire år sidan av Rauma finullgarn, og så har eg tova den i maskina. Det er den beste fiskehua han kan ha, seier storfiskaren. Strikka fleire slike huer den gongen, men veit ikkje om eg har mønsteret nokon stad.

Mens han var vekke, har eg fått støvsuga og rydda litt til helga; tek det ikkje så altfor nøye denne veka.DET blir neste veke. Sjekkar vermeldinga innimellom; ser ut til at vi får ei mild og våt jul. Ingen "White Christmas" i år, slik det var i fjor, men så slepp vi også kulden.

Vermelding 14.desember 2010

2011-12-14T14:14:00.001+01:00

Klokka har såvidt passert 14, men det er ikkje heilt lyst ute. Det kjem vel av at det er overskya og grått. Regnar gjer det også; temperaturen er + 4 grader C. Bildet av Melshornet frå altanen vår er vel eit heller kjent motiv? Ikkje særlig fristande å gå ut og fotografere. Men eg trur ikkje eg ville ha byta med iskulden vi hadde i fjor.

Før middag i dag har eg baka tre store grovbrød, så no får det halde. Dessutan har eg vaska og støvsuga i vaskekjellaren, ikkje at det er direkte julearbeid, men det er rart med det, det meste skal i boks til jul.No skal vi snart ha middag, i dag blir det heimelaga spekesild med kålstuing. Det er sjølvsagt også ein av livrettane mine.

Vart forresten oppringt av Møre-Nytt i dag igjen. Dei ville ha eit intervju med meg. Dei ville vite om eg kunne seie noko om dei glatte vegane og om broddar m.m. (Ja, det er du som er i pensjonistlaget?) Eg måtte innrømme at eg ikkje hadde broddar, og at eg stort sett vart kjørt frå dør til dør, og ikkje gjekk så mykje ute på glatta. Men eg visste om mange eldre som brukte broddar. Kunne eg kome med namn. Nei, det kunne eg ikkje. Det var full forståing for det. Så eg slapp lett unna denne gongen

Vermelding 13.desember - 2011

2011-12-13T14:52:00.003+01:00

Klokka har passert halv fire; det skymest og temperaturen ute er +6 grader.

Faktisk er det opplett og litt vind dag, og eg ser i klår himmel over fjella i sør-vest.

I dag var tunet heilt nede-isa, men Nils spanderte litt sand og strødde stigar der ein gjekk trygt. På hovudvegane var det andre som hadde strødd rikelig med sand, så det var inga sak å ta seg fram.

I dag var vi ein liten tur til Volda, og på vegen bortover var vi innom Coop i Furene, der dei hadde smør, både Tine og ein franskspråklig sort. Kva eg valde forstår de sikkert. Men eg tok berre to pakkar. Usalta hadde dei ikkje, men eg fann usalta margarin, så no er eg i tvende sinn: Kva skal eg bruke i den mykje omtala sjokoladeglasuren? Kanskje endar eg opp med 50-50 %.

Vi kjøpte litt julegåver i Volda og litt i Ørsta, så no trur eg at eg er ferdig. I alle fall nesten.......

Etter at vi kom heim steikte vi ei medisterpølse på panna, og hadde mandelpoteter og surkål til. Det var veldig lettvint (og billig).

Nils er somna i godstolen, han var oppe lenge før meg i dag. Men til mitt forsvar må eg seie at eg låg vaken til langt på natt fordi er verkte. Det er ikkje så ofte det skjer, men Nils kunne fortelje at barometeret som han har i garasjen stod usedvanlig lågt i dag. Det er sikkert litt av forklaringa.

Postkassestativet er ikkje så vinkelrett som det ein gong var, det synte seg då Tussa sette opp fiberboksen. Men det er ikkje råd å gjere noko med det før til sommaren. Ser de godt etter, så ligg nabokatten, Nusse, på postkasseloket til matmora. Der låg katten til ho kom og såg etter post. Nusse kjem ofte på besøk til oss, men berre ned på trappa. Inn vil ho ikkje.

Vermelding 12.desember 2010

2011-12-12T15:12:00.001+01:00

Klokka slår akkurat tre i dag også. Temperaturen ute er + 4 grader, det er overskya og regn innimellom.
Hadde store planar for denne dagen, men det har ikkje blitt så mykje med meg. Har rettnok laga noko som skal forestille julebrød; dei vart noko utoversigne og lave-skulle nok ha hatt dei i former !
Til middag hadde vi fiskekaker og sildekaker som vi hadde i frysaren. Ikkje noko gourmet-måltid akkurat. Men godt alt som er vekk frå frysen.
Planen var å vaske håret og ta ein butikkrunde, så langt er eg enno ikkje komen, tvilsomt om eg kjem så langt. Men det er ein dag i morgon også...
Altså ikkje nokon overaktiv dag, men eg har i alle fall ei bra bok å høyre på; "Maya" av Isabell Allende. Og eg strikkar framleis lestar. Dagane er korte og nokså mørke. No skal vi ha ein kaffikopp, og smake ei skive av julebrødet med meierismør på. Kanskje får eg energi etterpå?

Vermelding 11.desember 2010

2011-12-11T15:15:00.001+01:00

Klokka slo akkurat tre (15.00), og vi er nettopp komne heim frå tur. Ute er det overskya, + 2 grader og opphaldsver. Ikkje så fint som i går, men greitt nok.
I dag fann eg ut at det hadde vore kjekt å ha litt eine å pynte med til jul. Oppe i skogen her er ein del snø, så vi tenkte at vi kunne fare ut på Rjåneset, for der er nesten bert. Det stemte nok, men eit aber var det, vegen var dekt av blankis. Vi køyrde heilt bort til hyttene, sidan vi ikkje greidde å fote oss, og kom oss på ein måte ut på stigen.
Lions Club i Ørsta har nemlig laga ein kjempefin asfaltert stig utover langs sjøen, slik at dei som ikkje er så spreke også kan få kome seg fram. Ein kan køyre rullestol der og. Det er dessutan laga fiskebrygger fleire stader, som dei handikappa kan bruke. Det er sett ut bord og benkar langs ruta. Dette hadde eg tenkt å ta bilde av i dag, men fotoapparatet låg att i bilen, og det var for glatt til å springe tilbake å hente det.
Vi fekk tak i eine, så dermed vart det ikkje bomtur. Hensikta var no eigentlig å komme seg ut litt, men eg er så håplaus med det at eg alltid må ha eit ærend.

Det var ganske stilt på sjøen då vi kom ut, og hadde Nils vore åleine, hadde det vel blitt ein fisketur. Då vi skulle fare heim , var det litt meir vind, så då var det ikkje SÅ fristande lenger. No har Nils varma opp ein gryterett som vi skal ha til middag.Greitt å få vekk desse restane som ein er så lure at ein frys ned.

Bok nr.68: Anger

2011-12-10T20:13:00.004+01:00

Endelig er eg ferdig med denne boka. Til tross for at den berre er på 7 CD-ar har eg brukt lang tid på å lese den. Trur eg må ha lese teksten opp til fleire gonger. Har falle av lasset meir enn ein gong og lese om att for å vere sikker på at alt vart med. Kvifor. Jo, for det første har eg hatt mykje anna på programmet siste tida, og for det andre:Boka fenga meg overhode ikkje. Den handlar rett og slett om at folk gjer ting dei angrar, så angrar dei lenge, og til slutt prøver dei å rette opp att "alle feil i frå i går". Eg brukar å like Roy Jacobsen sine bøker, dei plar rett nok vere enkle, men interessante likevel. Denne boka når ikkje opp.

Vermelding 10.desember - 2011

2011-12-10T16:33:00.002+01:00

Klokka er snart halv fem, og det er mørkt ute. Men vi har hatt eit fantastisk ver i dag også; lettskya med sol i fjella.No er det minus 2 grader ute, noko som er akkurat passelig kaldt.

I dag hadde eg ærend på biblioteket, og så var det litt småtteri som mangla i Kongsberg-pakken, dermed vart det handlerunde i dag også. Ikkje den beste dagen for shopping, det var mykje folk i butikkane! Men så trefte vi litt kjentfolk, og det er alltid kjekt. Då vi køyrde heim att via Garvargata, såg eg eit nydelig syn-heile Skåla var bada i rosa sollys. Men før eg hadde kome meg ut av bilen og fått fram fotoapparatet, var sola nesten borte-det skjedde FORT. Men litt av idyllen fekk eg med, sjølv om løa på Hoggamyra kom litt i vegen.

No skal vi pakke ferdig pakken til Kongsberg, så sender vi den på måndag.

For ein gongs skuld har eg ikkje vaska til helga, men vi overlever vel det også. Skal ikkje gjere så mykje meir jule-arbeid heller. Det blir vel mest berre å slå inn koda på Visa-kortet heretter.
Elles synest eg det er bra at danskane kjem oss til hjelp i desse smørkrisetider. Vi har fått hjelp frå både Danmark og Sverige før, vi. Men då var det rett nok krig.Eg kan hugse både svenskesuppe og svenskepakkar. No bur vi i eitt av dei "feitaste" landa i verda, og det aller rikaste.
Min generasjon har vel stort sett baka av margarin før, men no skal det plutselig vere meierismør i alle kaker.Men eg skulle så gjerne hatt den veste klatten med usalta smør.......

Vermelding 9.desember - 2011

2011-12-09T15:00:00.000+01:00

Klokka er snart 15.00. Ute er det lettskya, fint ver og temperaturen er + 2 grader C. Stort finare kan vi vel ikkje vente å få det på denne årstida. Det er meldt + grader ei heil veke framover; godt å sleppe gnallkulde.

I dag har eg støvsuga, men enno ikkje vaska til helga. Vi var nedover og handla litt, skulle kjøpe nokre fleire julegåver, men det er håplaust når ein ikkje har tenkt ut noko på førehand. Margrete og Ingeborg skulle også på julehandel i dag, og sidan dei skulle til Ørsta, inviterte eg dei like godt til middag. Har ei svineribbe i omnen, så vi kan ha ein liten forsmak av jul i dag. Det er jo enda 14 dagar til sjølve høgtida.

Sidan det er fredag ønsker eg alle blogglesarane ei GOD HELG !

Vermelding 8.desember - 2011

2011-12-08T14:31:00.001+01:00

Klokka er snart halv tre, og eg synest faktisk at det alt er åt å skymest. Veret er lettskya og fint, med ein temperatur på minus 2,5 grader C. Eg er litt sint på meg sjølv fordi eg ikkje kjem meg ut i fineveret. Eg finn alltid noko å gjere. INNE.

I dag kunne vi ikkje fare nokon stad, sidan vi venta på LINK, firmaet som legg inn "Tussa fiber" til oss. Vi åt tidlig middag, så vi skulle vere ferdig med den før LINK-arbeidaren kom. Nils hadde ei tugge att då bilen svinga ned på tunet. Godt tima.

Eg har bakt ei kake i dag, og styrt med deiverse anna husarbeid. Eg har skrive ferdig referatet til avisa og fått det av garde, og så blir det ikkje så mykje meir med meg, i alle fall ikkje før eg har fått kaffi.
Har nokre julegåver att å kjøpe, er rimelig a jour, men blir vel ikkje heilt klar før butikkane stenger på julafta. Som Nils brukar å seie. Vi blir trulig hos Solveig på julafta i år også. Greitt det no når det er ferjefritt og ein kan køyre heim att og legge seg.

Vermelding 7.desember - 2011

2011-12-07T14:13:00.001+01:00

Klokka er 14.00. Temperaturen er ca minus 4 grader C og det er nydelig ver. Til og med sparkføre på vegane her oppe hos oss. Vi har ikkje montert opp sparken enno, vil først sjå om veret varer. I dag har vi vore på Bakk-Ola og dekka på til ca 70 personar, og pynta til julemiddagen som vi skal ha klokka 16.00. Ja, vi får vel ikkje mat før eit stykke ut i programmet,då.

Etterpå var vi på Amfi, og fekk handla litt i dag også. No skal vi ha oss ein kaffikopp, og litt å bite i før vi begynner å pynte oss. Eg vaska håret i dag tidlig, så det er gjort.
Har fått ein som eg kjenner til å ta bilde i kveld. Det er den nymotens journalistikken, har eg fått høyre; mykje bilde og lite tekst. Heile Møre-Nytt er snart berre bilde. Veit ikkje om eg likar det. Eg er jo glad i det skrivne ord.
Har ein annan kar som eg forhandlar med om eit kamera som pensjonistlaget kan eige. Det er lettare å vere om seg når det gjeld eit lag enn når det gjeld ein sjølv.

Vermelding 6.desember - 2011

2011-12-06T13:18:00.001+01:00

Klokka har passert 13.00, temperaturen ute er 0 grader C og det er nydelig ver. Slike fineversdagar skulle ein sjølvsagt nytta til uteliv, men eg hadde lagt andre planar for dagen, som ikkje kunne endrast.
Har steikt opp kilovis med kjøt i dag og kokt halvferdig Stroganoffgryta som vi skal ha 2. juledag. Når eg var så godt i sving, laga eg også ei rund formkake som Margrete brukar å få til jul kvart år. Sidan ho likte den så godt før. Har ikkje spurt om ho likar den enno........
Nils har vore av stad og kjøpt kjettingar til snøfresaren, og så har han vore ute og sett etter båten.
I morgon er det møte i pensjonistlaget - med juletallerken, så då går heile dagen for oss som er i styret, for vi skal dekke og pynte borda på føremiddagen, og så tek møtet til klokka 16.00.
Går ut frå at dei fleste har lese om ulykkene som eg stelte i stand i går? (På FB) Benkeplata på kjøkkenet fekk ein liten skade i hjørnet, der vatn hadde trengt ned i sponplata under belegget. Einaste sponplata som er i denne kjøkkeninnreiinga.
I dag kan vi gratulere Roger på Eid med 50-årsdagen. Det er litt rart for oss eldre når den yngre garde når denne milepelen.
Rannveig På Stårheim har også fødselsdag i dag, og vi gratulerer.
Minste jenta i heile gata fyller i dag 1 år. Vi gratulerer Mari Ella!

Vermelding 5.desember - 2011

2011-12-05T16:43:00.003+01:00

Klokka er no nesten halv fem, og vi er nettopp ferdige med middagen. Ute har det vore mykje ver i dag; ganske mykje tung, våt snø då vi stod opp, seinare regn og hagl og vind. No er det relativt rolig, og temperaturen er + 2grader C.Nils moka for hand i dag, mest fordi han hadde lyst å prøve kreftene sine, trur eg. Mens han moka styrte eg med diverse inne. Klesvasken som har hengt ute i dagesvis, fekk ein omgang i trommelen, slik at eg endelig fekk tøyet på plass.

Vi hadde eit skikkelig ærend til Volda i dag. Var bort på slaktarbutikken til Jacobsen og kjøpte reint, beinfritt oksekjøt. Brukar å lage halvferdig ei gryte med Biff Stroganoff, som vi serverer til familien 2.juledag. Godt alt som er gjort.

Dessutan måtte eg ha litt meir garn, for då eg talde over julelageret mitt i dag, fann eg ut at der var ein storleik som mangla.Og det er det jo noko å gjere med!

Så måtte vi innom Lefdal i Furene og inn på Coop, der det mellom anna var SMØR, men ikkje usalta. For skams skuld kjøpte eg to 1/2-kilos - pakkar, utan eg treng å bake av den grunn.På Mega på Amfi hadde dei også smør.Kjøpte 4-5 julegåver i dag også, men så vart eg så låk i ryggen at vi måtte heim. No har vi ete ein durabelig porsjon med steikt sei, så eg synest vi fortener ein pause.

I dag kan vi gratulere niesa vår, Anne Merete, med dagen. Ein gong for lenge sidan,bar eg henne til dåpen.

Vermelding 4.desember - 2011

2011-12-04T13:37:00.003+01:00

Klokka er snart 13.30, temperaturen ute er + 2 grader C; det er litt snø og det blæs, noko som er relativt sjeldan her. Ein ting er positivt med dette veret; det blir lysare både ute og inne og vi slepp å føle at det er mørkt døgnet rundt.

Eg har brukt føremiddagen til å steike krumkaker, den einaste årvisse juletradisjonen min. Eg steiker både til meg og Margrete, det går for det samme. Eg skal ikkje ha så mykje. I fjor løyvde eg nesten ein heil boks, som eg utpå sommaren knuste og hadde ned i brøddeigar. Likar ikkje å kaste mat.

Det finst eit utal av oppskrifter på krumkaker, men eg hugsar at mamma brukte ei oppskrift med potetmjøl.Brukar ein litt potetmjøl i tillegg til kveitemjølet blir kakene sterkare og toler transport betre.

Eg har funne ein forholdsvis liten porsjon, som eg dobla i dag.Desse kakene blir litt hardare enn vanlige krumkaker, derfor kan denne røra egne seg godt om ein vil lage "skåler".

Krumkaker.

3 egg

1dl sukker

100 gram smelta margarin

2 dl kveitemjøl

1 dl potetmjøl

1 ts vaniljesukker

3-4 ss vatn

Pisk eggedosis av sukker og egg.

Ha i smelta margarin, vaniljesukker og vatn.

I dag brukte eg ekte vanilesukker. (I mange oppskrifter brukar ein kardemomme. Det gjer ein sjølvsagt som ein vil med). Eg synest steikinga går lettare om eg let røra stå 15-20 min. før eg begynner å steike.

Av denne porsjonen blir det ca 30 kaker.

No skal vi snart ete middag. På menyen i dag står resten av suppa frå i går. Til dessert blir det mislykka krumkaker og kaffi.Håper at alle har høve til litt kos i adventstida.

Bok nr.67 - 2011: Faller fritt som i en drøm

2011-12-03T20:09:00.001+01:00

No har eg lese ut denne boka som er på 15 CD-plater. Det har blitt ein del tilbakespolingar, for her må ein vere våken når ein les, dvs. lyttar til Nils Nordberg. Han har sjølv karakterisert denne romanen som den beste krim-romanen i 2011, og eg trur han kan ha mykje rett i det.

Boka er særdeles velskriven, og opplesaren les svært godt. Begge deler betyr veldig mykje for meg.

Her er kanskje ikkje så mykje spenning og action, men her er gode menneske-skildringar og mykje humor. Dessutan mange herlige måltid etc. Å skrive om handlinga i boka, maktar eg ikkje, men der er mykje å lese på nettet.

Ein ting kan gjere lydbokversjonen litt vanskelig; her er så mange personar å halde greie på at ein lett kan gå i surr, så eg angrar på at eg ikkje noterte ned namn frå begynnelsen av. Det er mitt beste råd til andre som vil lese boka.

Av ein eller annan grunn blir teksten på omslaget heilt uleselig når eg legg "bildet" inn på bloggen, så eg skal sitere det som står der:

" Den 15. august 2007 bestemmer Rikskriminalsjef, Lars Martin Johanson, seg for å oppklare Palme-mordet. I all hemmelighet innkaller han landets skarpeste etterforskere og oppretter en uformell Palme-gruppe. Sammen begynner de å se på verdens mest omfattende politiutredning med friske øyne. Det tar ikke lang tid før gruppen avslører de mest forbløffende ting, og at Christer Petterson ikke drepte Olof Palme, slår de snart fast. Men hvem var det så? Og hvis sporet de sakte, men sikkert avdekker fører dem til Palmes morder- er det mulig å offentliggjøre sannheten?".

Når ei les bøker som tek utgangspunkt i ei verkelig hending, vil ein naturlig nok spørje seg sjølv: "Er noko av dette sant? Er det kjende konspirasjonsteoriar? Har personane i romanen parallellar i det verkelige liv? Eller er alt berre oppdikta?" No kan ikkje eg seie noko om det, for eg har ikkje så mykje kjennskap til Palmemordet, og har heller ikkje lese så mykje om det. Men her er det sikkert andre som veit meir.

Les denne boka om du er interessert i saka.God bok.

Vermelding 3.desember 2011

2011-12-03T17:56:00.000+01:00

Klokka er snart 18.00, temperaturen ute er +2-3 grader C , og det har regna i heile dag. Med så mykje nedbør som der er for tida, kan vi vere glade for at den kjem i flytande form. Sjølv om eg føler litt på at det kunne vore litt fint med kvit snø i mørketida.
Føremiddagen i dag vart kort. Det første vi gjorde var å lage ei stor panne med ertersuppe, med tanke på at vi blei fleire enn vanlig til bords i dag.
Så var der berre å gjere seg klar til ballettshower klokka 13.00. Både Ingeborg og Amanda skulle vere med å danse, så det var sjølvsagt at vi møtte opp, i lag med Margrete og resten av familien.
Jentene var flinke, det er dei alltid. Nytt denne gongen var at Ingeborg og to andre "seniordansarar" (elitedasarar) hadde eit nummer heilt for seg sjølve. Som regel er det mange på scena i kvart nummer.
Etter balletten, kom Margrete og gutane hit opp og åt middag, mens jentene vart att på kulturhuset og var med på enda ei forestilling. Lange dagar for dansarane! Margrete henta dei hit, så dei også fekk suppe.
Reknar med at Margrete legg ut bilde på sin blogg, eg har ikkje fotografert i dag.
No er vi gamle att åleine, og har ikkje tenkt å gjere det skapte grann resten av dagen.

Vermelding 2.desember - 2011

2011-12-02T14:24:00.001+01:00

Klokka er snart halv tre. Ute er det fint, lettskya ver, litt sol i fjellet og litt snø på marka.Temperaturen er + 1grad. Ja, det var såpass mykje snø i dag tidlig at plogen for her forbi, og Nils måtte moke vekk brøytekanten, før han for av garde ut på Rjåneset for å fiske. No driv han og kokar småsei til middag. Heldigvis har vi att ein liten klatt med Kvitseidsmør- det er eit must til fisk her i huset.

Eg har brukt føremiddagen til å vaske og støvsuge til helga, og så har eg stroke og hengt opp julegardiner på kjøkkenet. Sidan dei er i kvitt og gull er dei ikkje så veldig julete. Og eg har lagt på ein nissevoksduk, så no har vi ei blanding av advent og jul i huset.

Sidan vi vakna grytidlig i dag, blir det vel ein middagslur etter eit relativt stot inntak av "levande pale"- the same procedure as everytime.

Ønsker alle ei god og avslappande smørlaus helg! Vi skal på ballettframsyning i morgon. Det er kjekt.

Vermelding 1.desember - 2011

2011-12-01T14:07:00.002+01:00

Klokka er 14.00, temperaturen + 6 grader C og det har vore lysare i dag enn i går. Men akkurat no begynner det å blåse og regne så smått.

Vi hadde planlagt å handle litt i dag, både mat og anna, så vi var ein tur ned på Amfi. På Coop var det tomt for smør, men margarin hadde dei. Ja, dei hadde Rørossmør også, men det er slik luksus som ein berre unner seg attåt fisk t.d. (Vi brukar Kvitseidsmør til kokt fisk-salt og godt). Vi brydde oss ikkje med å jakte etter meir smør, klarer oss med margarin så lenge.Dessutan tviler eg på at det finst smør på dei andre butikkane når Coop er lens. Kjøpte litt julegåver, så no er vi i gang. Elles er det no fritt føre å komme med ønskelister.

Av bildet kan de sjå at dei er i full gang med å bygge på Amfi.Det blir spennande å sjå kva butikkar som no kjem. Særlig om vinteren, og i styggever, har eg sansen for å handle inne. Elles synest eg det er synd at den fine gågata blir liggande tom.

I dag skal Nils ha salta kveitehovud til middag. Det er ein av dei få rettane eg ikkje er så begeistra for, så han har lova at eg skal få noko anna.
I dag fekk eg endelig kjøpt meg ei kvit julestjerne til å ha i den fine potta eg kjøpte på Gjenbruk.

Vermelding 30.november -2011

2011-11-30T13:57:00.003+01:00

Klokka har passert halv to, og akkurat no var det såpass lyst ute at eg fekk ta eit bilde. Det har vore veldig mørkt hittil i dag. Det skodde, litt regn og + 3 grader C. Ikkje særlig trivelig ver, men betre enn sprengkulde, i alle fall inne.

Nils hadde ei lita opprydding i frysaren "sin" i går, så i dag vart det koking av saft, syltetøy og risengrynsgraut. Alt i små mengder. I tillegg laga eg ei kake -men det står att å ha "fyll" oppå. Mangla smør. Blei ein del rot og oppvask, men så er no dette gjort til jul. Vi tok likegodt og åt middag i same farten, dvs graut og spekemat. Går an å leve litt enkelt innimellom.Det kan hende vi må på jakt etter smør e.m., for på nærbutikken var det tomt. Det gikk for lang tid før eg oppdaga smørproblemet, det er så sjelden vi kjøper slikt.

Nils var på Aasentunet og høyrde på Bård Vegar Solhjell i går kveld, og kjøpte boka hans. Han skulle lese i den no, men eg trur han somna.

Eg held på med ei lang bok om Palme-mordet. "Faller fritt som i en drøm" heiter den. God bok, men den krev konsentrasjon, og det er ikkje alltid min er like god. Ingen page-turner, for å seie det slik. Er komen til CD 8 av 15. Men eg skal lese den ferdig. Har lagt den inn på datamaskina og sit framfor den og høyrer mens eg strikkar på dei evinnelige lestane. Har helde på så lenge med det prosjektet at eg greier knapt å slutte.

Elles skal eg ikkje gjere så mykje før jul. Skal kjøpe nokre gåver, men det irriterer meg litt at mykje av det ein kjøper no, kjem på sal rett FØR jul.

Den 30.nov. i fjor var det minus 12-14 grader C og snø. Eg berre nemner det.

Vermelding 29.november - 2011

2011-11-29T13:08:00.000+01:00

Klokka er snart 13.00. Ute er det + 8 grader C, stilt og litt regn.Snøen som låg heilt ned på marka sist sundag er vekke for lengst, og det er mildt og deilig.

I dag fekk eg det for meg at eg måtte gjere noko "til jul"- men kva? Det var så mykje å velje i at eg kunne ikkje bestemme meg. Ein ting var eg sikker på: Ingen småkaker. Dei eg laga i fjor vart ikkje etne, ikkje dei åra før heller. Formkaker har eg i frysaren frå fjor osv. Det vart til at eg rydda ei "roteskuffe"-det er kjekt, for så finn ein att ting som ein trudde var tapt for alltid.

Blomstrane fekk seg og litt ekstra stell, og avisa skulle lesast. Og så gjekk denne føremiddagen.

No skal vi ha tidlig middag, og kanskje vere litt aktive seinare på dag. Nils var forresten ute og trimma etter frokost.

Til middag i dag skal vi ha resten av sildekakene, dei som vi fraus. Nils skulle ta opp fiskekaker, men tok feil. Ja,ja, like greitt å bli ferdig med dei.

På bildet ser de den grøne boksen som "Tussa fiber" sette opp. Eg synest den stod fint til postboksane. Det er stillstand i fiber-arbeidet her no, men dei held kanskje på ein annan stad. Vi veit ingen ting om kva tid vi får ta fiberkabelen i bruk.

Vermelding 28.november - 2011

2011-11-28T16:36:00.001+01:00

Klokka er ca 16.30, og det er for seint å ta bilde ute. Det er overskya, regn og grått, og utetemperaturen er + 5 grader C. Det er vel eigentlig nokså typisk novemberver.
I dag føremiddag var det styremøte i pensjonistlaget, den den nye leiaren, Eli Kjøde, også møtte fram. No håper eg at ho kan bli eit trekkplaster som får yngre pensjonistar til å begynne i laget.
Då vi kom heim att laga eg fiskesuppe til middag, så no har vi ete oss overmette, som vanlig. Nils meiner at vi skulle hatt slik suppe kvar veke.
Slike dagar med møte midt på dagen, blir det liksom ingenting om, så dette vart enda ein lapredag der ingen ting har blitt gjort heime. I løpet av kvelden skal eg skrive eit referat + eit lite avisinnlegg. Vi får kalle det arbeid det også, såpass eg får bøtt litt på samvitet.
Solveig er den einaste som har kommentert multistøpselet som eg la ut. Kan seie såpass som at det har noko med jording å gjere.
No blir det ein liten pause før kaffien.

Vermelding 27.november - 2011

2011-11-27T13:27:00.001+01:00

Klokka er ca halv to, og eg måtte ta bilde ute før det vart mørkt. Som de ser har vi fått litt sludd på markane, men det er greitt når vi alt er komne til 1.sundag i advent. Temperaturen er + 2 grader C.

Nils er i Volda og besøker Harald, og eg nyttar åleinetida til å høyre lydbok på datamaskina og strikke enda eit lestepar. Ein skulle sikkert ha trossa ver og føreforhold og tatt ein tur ut, men "dørstokkmila" er lang for mitt vedkomande. Elles har vi ingen planar for dagen, men i morgon er det styremøte i pensjonistlaget. Har ikkje tenkt å stresse meg opp når det gjeld jula.

Ei lita nøtt.

2011-11-27T11:55:00.001+01:00

I desse mørketider er behovet for lys stort, og med det stig behovet for stikkontaktar og dobbeltstøpsel. Til TV og alt som følgjer med har vi eit langsmalt "dobbeltstøpsel" med plass til mange ledningar. Med ein brytar slår vi av heile greia om natta. Vi tenkte det kunne vere greitt å ha eitt til liknande, og kjøpte dette på Europris for å ha til diverse lampar, julestjerner etc. Men at dette støpselet er lovlig, er meir enn eg forstår. Til vårt bruk var det dessutan ikkje brukbart, fordi der var gammaldagse runde støpsel på ledningane våre.Kan de sjå kva som er gale?
Elles så vil eg minne alle på at på småelektriske apparat bør ein ta ut støpselet om natta eller når ein reiser bort. Å slå av med brytar er ikkje nok. (Det har vi lært i pensjonistlaget).

Vermelding 26.november - 2011

2011-11-26T15:19:00.001+01:00

Klokka har passert 15 med god margin, temperaturen ute er + 3 grader, det er overskya og regn. Mykje roligare ver enn i går, men vi merka no ikkje all verda til styggeveret i går heller, her oppe i bakkane. Noko heilt anna ute på kysten.
I dag vaska eg golva til helga og rydda opp litt. Nils spyla utetrappa og bar inn blomstrane som stod der etc. Førebur oss på vinter og snø.
Fann ut at vi måtte ha ein tur ned på Amfi og treffe litt folk og kanskje gå på kafé. Der var mindre folk enn det som er vanlig på laurdagar, så nokre var vel i Furene.Kaféane var fulle, så det vart til at vi for heim att, og no varmar vi opp ball (klubb) frå i går.Vi handla mat på Kiwi i dag, støttar opp om nærbutikken. Det var ikkje mykje vi skulle ha.
Vart ståande så lenge og prate med folk på Amfi at eg er heilt av i ryggen.
Vi var forresten ein liten tur inn på Gjenbruk også, dei hadde ikkje det vi såg etter.
Prøvde å ta bilde, men som vanlig når eg tek bilde i sterkt lampelys, vart bilda heilt gule.
Elles ser eg at einkvan har fjerna den umulige setninga frå bloggen og skrive "Borte"
sikkert ein som har litt moro av meg. Mistanken går i ei bestemt retning.
Så håper eg at alle får ei god helg-og ei god adventstid.

Vermelding 25. november 2011

2011-11-25T15:03:00.002+01:00

Klokka er15.00. Temperaturen ute er ca +5 grader C. Veret er: Vind, regn, hagl, lyn og torden. Kan ikkje bli stort betre. Stygt å seie det, men eg likar det. Men så har eg ingen av mine på sjøen, og treng eigentlig ikkje å gå ut sjølv.
Men vi har no vore ein liten tur ut på Rjåneset og sett til båten. Vi køyrde heilt ut på moloen og tok bilde inn mot hamna, der låg båten lunt og godt til tross for at sjøen gikk kvit.
Etterpå var vi ei lite runde på butikkar. Var innom Amfi sidan eg skulle hente noko medisin. Men det var klokka 17.00 vi skulle ha vore der, for då kjem "Danse-Atle" for å halde konsert.
No skal vi ete middag. Eg koka ferdig ball (klubb) før vi reiste, så no blir det vel horisontalen resten av dagen.(Kokar ikkje ball kvart år, for å seie det slik) Støvsuginga er også unnagjort til helga.
Fekk hjelp med Rasmus i går kveld, så no fungerer begge maskinene igjen. I mi store lykke over at laptoppen var i drift igjen, sette eg meg til å endre bloggbakgrunn etc., med det resultat at der er kome ei setning øvst til høgre, som absolutt ikkje har noko der å gjere. Og ikkje får eg fjerna den heller. Nokon som veit råd?
Så må eg ikkje gløyme å gratulere Harald med 71 årsdagen i dag. Gratulerer hjerteligst!